TITUS
Rg-Veda: Aitareya-Brahmana
Part No. 74
Previous part

Paragraph: 3 


Sentence: 1    prāṇānāṃ vā etad uktʰaṃ yat praügaṃ. sapta devatāḥ śaṃsati.
   sapta vai śīrṣau prāṇāḥ, śīrṣann eva tat prāṇān dadʰāti
Sentence: 2    kiṃ sa yajamānasya pāpabʰadram ādriyeteti ha smāha yo 'sya hotā syād ity.
   atraivainaṃ yatʰā kāmayeta tatʰā kuryād
Sentence: 3    yaṃ kāmayeta: prāṇenainaṃ vyardʰayānīti, vāyavyam asya lubdʰaṃ śaṃsed.
   r̥caṃ vā padaṃ vātīyāt, tenaiva tal lubdʰam. praṇenaivainaṃ tad vyardʰayati
Sentence: 4    yam kāmayeta: prānāpānābʰyām enaṃ vyardʰayānīty,
   aindravāyavam asya lubdʰaṃ śaṃsed.
   r̥caṃ vā padaṃ vātīyāt, tenaiva tal lubdʰam.
   prāṇāpānābʰyām evainaṃ tad vyardʰayati
Sentence: 5    yaṃ kāmayeta:
   cakṣuṣainaṃ vyardʰāyanīti, maitrāvaruṇam asya lubdʰaṃ śaṃsed.
   r̥cam vā padaṃ vātīyāt, tenaiva tal lubdʰaṃ.
   cakṣuṣaivainam tad vyardʰayati
Sentence: 6    yaṃ kāmayeta: śrotreṇainaṃ vyardʰayānīty,
   āśvinam asya lubdʰaṃ śaṃsed. r̥caṃ vā padaṃ vatīyāt, tenaiva tal lubdʰaṃ.
   śrotreṇaivainaṃ tad vyardʰayati
Sentence: 7    yaṃ kāmayeta: vīryeṇainaṃ vyardʰayānīty, aindram asya lubdʰaṃ śaṃsed.
   r̥caṃ vā padaṃ vātīyāt, tenaiva tal lubdʰaṃ.
   vīryenaivaināṃ tad vyardʰayati
Sentence: 8    yaṃ kāmayetāṅgair enaṃ vyardʰayānīti, vaiśvadevam asya lubdʰaṃ śaṃsed.
   r̥caṃ vā padaṃ vātīyāt, tenaiva tal lubdʰam.
   aṅgair evainaṃ tad vyardʰayati
Sentence: 9    yaṃ kāmayeta: vācainaṃ vyardʰayānīti, sārasvatam asya lubdʰaṃ śaṃsed.
   r̥caṃ vā padaṃ vātīyāt, tenaiva tal lubdʰaṃ. vācaivainaṃ tad vyardʰayati
Sentence: 10    yam u kāmayeta: sarvair enam aṅgaiḥ sarveṇātmanā samardʰayānīty,
   etad evāsya yatʰāpūrvam r̥ju kḷptaṃ śaṃset.
   sarvair evainaṃ tad aṅgaiḥ sarveṇātmanā samardʰayati
Sentence: 11    sarvair aṅgaiḥ sarveṇātmanā samr̥dʰyate ya evaṃ veda



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.