TITUS
Rg-Veda: Aitareya-Brahmana
Part No. 77
Previous part

Paragraph: 6 


Sentence: 1    vajro vā eṣa yad vaṣaṭkāro.
   yaṃ dviṣyāt taṃ dʰyāyed vaṣaṭkariṣyaṃs,
   tasminn eva taṃ vajram āstʰāpayati
Sentence: 2    ṣaḷ iti vaṣaṭkaroti. ṣaḍ vā r̥tava.
   r̥tūn eva tat kalpayaty, r̥tūn pratiṣṭhāpayaty.
   r̥tūn vai pratitiṣṭhata idaṃ sarvam anupratitiṣṭhati yad idaṃ kiṃca
Sentence: 3    pratitiṣṭhati ya evaṃ veda
Sentence: 4    tad u ha smāha Hiraṇyadan Baida:
   etāni vā etena ṣaṭ pratiṣṭhāpayati.
   dyaur antarikṣe pratiṣṭhitāntarikṣam pr̥tʰivyām pr̥tʰivy apsv āpaḥ
   satye satyam brahmaṇi brahma tapasīty.
   etā eva tat pratiṣṭhāḥ pratitiṣṭhantīr
   idaṃ sarvam anupratitiṣṭhati yad idaṃ kiṃca.
   pratitiṣṭhati ya evaṃ veda
Sentence: 5    vauṣaḷ iti vaṣaṭkaroty. asau vāva vāv, r̥tavaḥ ṣaḷ.
   etam eva tad r̥tuṣv ādadʰāty, r̥tuṣu pratiṣṭhāpayati.
   yādr̥g iva vai devebʰyaḥ karoti, tādr̥g ivāsmai devāḥ kurvanti



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.