TITUS
Rg-Veda: Aitareya-Brahmana
Part No. 78
Previous part

Paragraph: 7 


Sentence: 1    trayo vai vaṣaṭkārā: vajro dʰāmacʰad riktah
Sentence: 2    sa yam evoccair bali vaṣaṭkaroti sa vajras
Sentence: 3    taṃ-tam praharati dviṣate bʰrātr̥vyāya vadʰaṃ,
   yo 'sya str̥tyas tasmai startavai.
   tasmāt sa bʰrātr̥vyavatā vaṣaṭkr̥tyo
Sentence: 4    'tʰa yaḥ samaḥ saṃtato ՚6 'nirhāṇarcaḥ sa dʰāmacʰat
Sentence: 5    taṃ-tam prajāś ca paśavaś cānūpatiṣṭhānte.
   tasmāt sa prajākāmena paśukāmena vaṣaṭkr̥tyo
Sentence: 6    'tʰa yenaiva ṣaḷ avarādʰnoti sa rikto
Sentence: 7    riṇakty ātmānaṃ riṇakti yajamānam,
   pāpīyān vaṣaṭkartā bʰavati pāpīyān yasmai vaṣaṭkaroti.
   tasmāt tasyāśāṃ neyāt
Sentence: 8    kiṃ sa yajamānasya pāpabʰadram ādriyeteti ha smāha yo 'sya hotā syād ity.
   atraivainaṃ yatʰā kāmayeta tatʰā kuryād
Sentence: 9    yaṃ kāmayeta: yatʰaivānījāno 'bʰūt tatʰaivejānaḥ syād iti,
   yatʰaivāsya r̥cam brūyāt tatʰaivāsya vaṣaṭkuryāt.
   sadr̥śam evainaṃ tat karoti
Sentence: 10    yaṃ kāmayeta: pāpīyān syād ity,
   uccaistarām asya r̥cam uktvā śanaistarāṃ vaṣaṭkuryāt.
   pāpīyāṃsam evainaṃ tat karoti
Sentence: 11    yaṃ kāmayeta:
   śreyān syād iti, śanaistarām asya r̥cam uktvoccaistarāṃ vaṣaṭkuryāc.
   cʰriya evainaṃ tac cʰriyām ādadʰāti
Sentence: 12    saṃtatam r̥cā vaṣaṭkr̥tyaṃ, saṃtatyai
Sentence: 13    saṃdʰīyate prajayā paśubʰir ya evaṃ veda



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.