TITUS
Rg-Veda: Aitareya-Brahmana
Part No. 79
Previous part

Paragraph: 8 


Sentence: 1    yasyai devatāyai havir gr̥hītaṃ syāt, tāṃ dʰyāyed vaṣaṭkariṣyan.
   sākṣād eva tad devatām prīṇāti, pratyakṣād devātāṃ yajati
Sentence: 2    vajro vai vaṣaṭkāraḥ, sa eṣa prahr̥to 'śānto dīdāya.
   tasya haitasya na sarva iva śāntiṃ veda na pratiṣṭhāṃ.
   tasmād dʰāpy etarhi bʰūyān iva mr̥tyus.
   tasya haiṣaiva śāntir eṣā pratiṣṭhā vāg ity eva.
   tasmād vaṣaṭkr̥tya-vaṣaṭkr̥tya vāg ity anumantrayeta,
   sa enaṃ śānto na hinasti
Sentence: 3    vaṣaṭkāra mā ՚2 mā<m> pramr̥kṣo māhaṃ tvām pramr̥kṣam,
   br̥hatā mana upahvaye vyānena śarīram,
   pratiṣṭhāsi pratiṣṭhāṃ gacʰa
   pratiṣṭhām mā gamayeti vaṣaṭkāram anumantrayeta
Sentence: 4    tad u ha smāha: dīrgʰam etat sad aprabʰv, ojaḥ saha oja
Sentence: 5    ity eva vaṣaṭkāram anumantrayetau/jaś
Sentence: 6    ca ha vai sahaś ca vaṣaṭkārasya priyatame tanvau
Sentence: 7    priyeṇaivainaṃ tad dʰāmnā samardʰayati
Sentence: 8    priyeṇa dʰāmnā samr̥dʰyate ya evaṃ veda
Sentence: 9    vāk ca vai prāṇāpānau ca vaṣaṭkāras,
   ta ete vaṣaṭkr̥te-vaṣaṭkr̥te vyutkrāmanti. tān anumantrayeta:
   vāg ojaḥ saha ojo māyi prāṇāpānāv ity,
   ātmany eva tad dʰotā vācaṃ ca prāṇāpānau ca pratiṣṭhāpayati
   sarvāyuḥ sarvāyutvāya
Sentence: 10    sarvam āyur eti ya evaṃ veda



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.