TITUS
Rg-Veda: Aitareya-Brahmana
Part No. 85
Previous part

Paragraph: 14 


Sentence: 1    Agnir vai devānāṃ hotāsīt, tam mr̥tyur bahiṣpavamāne 'sīdat.
   so 'nuṣṭubʰājyam pratyapadyata, mr̥tyum eva tat paryakrāmat.
   tam ājye 'sīdat. sa praügeṇa pratyapadyata, mr̥tyum eva tat paryakrāmat
Sentence: 2    tam mādʰyaṃdine pavamāne 'sīdat.
   so 'nuṣṭubʰā marutvatīyam pratyapadyata, mr̥tyum eva tat paryakrāmat.
   tam mādʰyaṃdine br̥hatīṣu nāśaknot sattum.
   prāṇā vai br̥hatyaḥ, prāṇān eva tan nāśaknod vyavaituṃ.
   tasmān mādʰyaṃdine hotā br̥hatīṣu stotriyeṇaiva pratipadyate.
   prāṇā vai br̥hatyaḥ, prāṇān eva tad abʰi pratipadyate
Sentence: 3    taṃ tr̥tīyapavamāne 'sīdat.
   so 'nuṣṭubʰā vaiśvadevam pratyapadyata, mr̥tyum eva tat paryakrāmat.
   taṃ yajñāyajñīye 'sīdat.
   sa vaiśvānarīyeṇāgnimārutam pratyapadyata, mr̥tyum eva tat paryakrāmad.
   vajro vai vaiśvānarīyam pratiṣṭhā yajñāyajñīyaṃ,
   vajreṇaiva tat pratiṣṭhāyā mr̥tyuṃ nudate.
   sa sarvān pāśān sarvān stʰāṇūn mr̥tyor atimucya svasty evodamucyata,
   svasty eva hotonmucyate sarvāyuḥ sarvāyutvāya
Sentence: 4    sarvam āyur eti ya evaṃ veda



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.