TITUS
Rg-Veda: Aitareya-Brahmana
Part No. 84
Previous part

Paragraph: 13 


Sentence: 1    Prajāpatir vai yajñaṃ cʰandāṃsi devebʰyo bʰāgadʰeyāni vyabʰajat.
   sa gāyatrīm evāgnaye Vasubʰyaḥ prātaḥsavane 'bʰajat,
   triṣṭubʰam Indrāya Rudrebʰyo madʰyaṃdine,
   jagatīṃ Viśvebʰyo devebʰya ādityebʰyas tr̥tīyasavane
Sentence: 2    'tʰāsya yat svaṃ cʰanda āsīd anuṣṭup,
   tām udantam abʰy udauhad acʰāvākīyām abʰi.
   sainam abravīd anuṣṭup: tvaṃ nv eva devānām pāpiṣṭho 'si,
   yasya te 'haṃ svaṃ cʰando 'smi,
   yām modantam abʰy udauhīr acʰāvākīyām abʰiti.
   tad ajānāt, sa svaṃ somam āharat,
   sa sve some 'gram mukʰam abʰi paryāharad anuṣṭubʰaṃ.
   tasmād v anuṣṭub agriyā mukʰyā yujyate sarveṣāṃ savanānām
Sentence: 3    agriyo mukʰyo bʰavati, śreṣṭhatām aśnute ya evaṃ veda
Sentence: 4    sve vai sa tat some 'kalpayat.
   tasmād yatra kva ca yajamānavaśo bʰavati, kalpata eva yajño 'pi
Sentence: 5    tasyai janatāyai kalpate yatraivaṃ vidvān yajamāno vaśī yajate



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.