TITUS
Rg-Veda: Aitareya-Brahmana
Part No. 83
Previous part

Paragraph: 12 
{adʰyāya 12, kʰaṇḍaḥ 1-13}


Sentence: 1    devaviśaḥ kalpayitavyā, ity āhuś, cʰandaś cʰandasi pratiṣṭhāpyam iti.
   śoṃsāvom ity āhvayate prātaḥsavane tryakṣareṇa,
   śaṃsāmodaivom ity adʰvaryuḥ pratigr̥ṇāti pañcākṣareṇa.
   tad aṣṭākṣaraṃ sampadyate. 'ṣṭākṣarā vai gāyatrī,
   gāyatrīm eva tat purastāt prātaḥsavane 'cīkḷpatām
Sentence: 2    uktʰaṃ vācīty āha śastvā caturakṣaram,
   om uktʰaśā ity adʰvaryuś caturakṣaraṃ.
   tad aṣṭhākṣaraṃ sampadyate. 'ṣṭākṣarā vai gāyatrī,
   gāyatrīm eva tad ubʰayataḥ prātaḥsavane 'cīkḷpatām
Sentence: 3    adʰvaryo śoṃsāvom ity āhvayate madʰyaṃdine ṣaḷakṣareṇa,
   śaṃsāmodaivom ity adʰvaryuḥ pratigr̥ṇāti pañcākṣareṇa.
   tad ekādaśākṣaraṃ sampadyata.
   ekādaśākṣarā vai triṣṭup,
   triṣṭubʰam eva tat purastān madʰyaṃdine 'cīkḷpatām.
   uktʰaṃ vācīndrāyety āha śastvā saptākṣaram,
   om uktʰaśā ity adʰvaryuś caturakṣaraṃ.
   tad ekādaśākṣaraṃ sampadyata.
   ekādaśākṣarā vai triṣṭup,
   triṣṭubʰam eva tad ubʰayato madʰyaṃdine 'cīkḷpatām
Sentence: 4    adʰvaryo śośoṃsāvom ity āhvayate tr̥tīyasavane saptākṣareṇa,
   śaṃsāmodaivom ity adʰvaryuḥ pratigr̥ṇāti pañcākṣareṇa.
   tad dvādaśākṣaraṃ sampadyate.
   dvādaśākṣāra vai jagatī,
   jagatim eva tat purastāt tr̥tīyasavane 'cīkḷpatām.
   uktʰaṃ vācīndrāya devebʰya ity āha śastvaikādaśākṣaram,
   om ity adʰvaryur ekākṣaraṃ.
   tad dvādaśākṣaraṃ sampadyate.
   dvādaśākṣara vai jagatī,
   jagatīm eva tad ubʰayatas tr̥tīyasavane 'cīkḷpatāṃ
Sentence: 5    tad etad r̥ṣiḥ paśyann abʰyanūvāca
Sentence: 6    yad gāyatre adʰi gāyatram āhitaṃ traiṣṭubʰād vā traiṣṭubʰaṃ niratakṣata
   \ yad vā jagaj jagaty āhitam padaṃ ya it tad vidus te amr̥tatvam ānaśur ity
Sentence: 7    etad vai tac cʰandaś cʰandasi pratiṣṭhāpayati
Sentence: 8    kalpayati devaviśo ya evaṃ veda



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.