TITUS
Rg-Veda: Aitareya-Brahmana
Part No. 88
Previous part

Paragraph: 17 


Sentence: 1    brāhmaṇaspatyam pragātʰaṃ śaṃsati
Sentence: 2    br̥haspatipurohitā vai devā ajayan svargaṃ lokaṃ, vy asmim̐l loke 'jayanta.
   tatʰaivaitad yajamāno br̥haspatipurohita eva jayati svargaṃ lokaṃ,
   vy asmim̐l loke jayate
Sentence: 3    tau vā etau pragātʰāv astutau santau punarādāyaṃ śasyete. tad āhur:
   yan na kiṃ canāstutaṃ sat punarādāyaṃ śasyate,
   'tʰa kasmād etau pragātʰāv astutau santau punarādāyaṃ śasyete iti
Sentence: 4    pavamānoktʰaṃ vā etad yan marutvatīyaṃ.
   ṣaṭsu vā atra gāyatrīṣu stuvate ṣaṭsu br̥batīṣu tisr̥ṣu triṣṭupsu,
   sa vā eṣa tricʰandāḥ pañcadaśo mādʰyaṃdinaḥ pavamānas.
   tad āhuḥ: katʰaṃ ta eṣa tricʰandāḥ pañcadaśo
   mādʰyaṃdinaḥ pavamāno 'nuśāsto bʰavatīti
Sentence: 5    ye eva gāyatryā uttare pratipado yo gāyatro 'nucaras,
   tābʰir evāsya gāyatryo 'nuśastā bʰavanty;
   etābʰyām evāsya pragātʰābʰyām br̥hatyo 'nuśastā bʰavanti
Sentence: 6    tāsu vā etāsu br̥hatīṣu sāmagā rauravayaudʰājayābʰyām punarādāyaṃ stuvate.
   tasmād etau pragātʰāv astutau santau punarādāyaṃ śasyete,
   tac cʰastreṇa stotram anvaiti
Sentence: 7    ye eva triṣṭubʰau dʰāyye yat traiṣṭubʰaṃ nividdʰānam,
   tābʰir evāsya triṣṭubʰo 'nuśastā bʰavanty
Sentence: 8    evam u hāsyaiṣa tricʰandāḥ pañcadaśo mādʰyaṃdinaḥ pavamāno
   'nuśasto bʰāvati ya evaṃ veda



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.