TITUS
Rg-Veda: Aitareya-Brahmana
Part No. 89
Previous part

Paragraph: 18 


Sentence: 1    dʰāyyāḥ śaṃsati
Sentence: 2    dʰāyyābʰir vai Prajāpatir imām̐l lokān adʰayad yaṃ-yaṃ kāmam akāmayata
Sentence: 3    tatʰaivaitad yajamāno dʰāyyābʰir evemām̐l lokān dʰayati yaṃ-yaṃ kāmāṃ
   kāmayate ya evaṃ veda yad eva dʰāyyā+ḥ \
Sentence: 4    yatra-yatra vai devā yajñasya cʰidraṃ nirajānaṃs,
   tad dʰāyyābʰir apidadʰus, tad dʰāyyānāṃ dʰāyyātvam
Sentence: 5    acʰidreṇa hāsya yajñeneṣṭam bʰavati ya evaṃ veda yad v eva dʰāyyā+ḥ \
Sentence: 6    syūma haitad yajñasya yad dʰāyyās.
   tad yatʰā sūcyā vāsaḥ saṃdadʰad iyād,
   evam evaitābʰir yajñasya cʰidraṃ saṃdadʰad
   eti ya evaṃ veda yad v eva dʰāyyā+ḥ \
Sentence: 7    tāny u vā etāny upasadām evoktʰāni yad dʰāyyā.
   agnir netety āgneyī pratʰamopasat, tasyā etad uktʰaṃ.
   tvaṃ soma kratubʰir iti saumyā dvitīyopasat, tasyā etad uktʰam.
   pinvanty apa iti vaiṣṇavī tr̥tīyopasat, tasyā etad uktʰaṃ
Sentence: 8    yāvantaṃ ha vai saumyenādʰvareṇeṣṭvā lokaṃ jayati,
   tam ata ekaikayopasadā jayati
   ya evaṃ veda yaś caivaṃ vidvān dʰāyyāḥ śaṃsati
Sentence: 9    tad dʰaika āhus: tān vo maha iti śaṃsed, etāṃ vāva vayam Bʰarateṣu
   śasyamānām abʰivyajānīma iti vadantas
Sentence: 10    tat-tan nādr̥tyaṃ
Sentence: 11    yad etāṃ śaṃsed, īśvaraḥ parjanyo 'varṣṭoḥ=(W)
Sentence: 12    pinvanty apa ity eva śaṃsed
Sentence: 13    vr̥ṣṭivani padam, Maruta iti mārutam,
   atyaṃ na mihe vi nayantīti vinītavad.
   yad vinītavat tad vikrāntavad, yad vikrāntavat tad vaiṣṇavaṃ.
   vājinam itīndro vai vājī. tasyāṃ vā etasyāṃ catvāri padāni:
   vr̥ṣṭivani mārutaṃ vaiṣṇavam aindraṃ
Sentence: 14    sā vā eṣā tr̥tīyasavanabʰājanā satī madʰyaṃdine śasyate.
   tasmād dʰedam Bʰaratānām paśavaḥ
   sāyaṃgoṣṭhāḥ santo madʰyaṃdine saṃgavinīm āyanti.
   so jagatī, jāgatā hi paśava, ātmā yajamānasya madʰyaṃdinas,
   tad yajamāne paśūn dadʰāti



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.