TITUS
Rg-Veda: Aitareya-Brahmana
Part No. 99
Previous part

Paragraph: 28 


Sentence: 1    te vā ime itare cʰandasī gāyatrīm abʰyavadetāṃ:
   vittaṃ nāv akṣarāṇy anuparyāgur iti.
   nety abravīd gāyatrī, yatʰāvittam eva na iti.
   te deveṣu praśnam aitāṃ, te devā abruvan: yatʰāvittam eva va iti.
   tasmād dʰāpy etarhi vittyāṃ vyāhur:
   yatʰāvittam eva na iti.
   tato vā aṣṭākṣarā gāyatry abʰavat, tryakṣarā triṣṭub,
   ekākṣarā jagatī
Sentence: 2    sāṣṭākṣarā gāyatrī prātaḥsavanam udayacʰan,
   nāśaknot triṣṭup tryakṣarā mādʰyaṃdinaṃ savanam udyantuṃ.
   tāṃ gāyatry ahravīd: āyāny, api me 'trāstv iti.
   sā tatʰety abravīt triṣṭup,
   tāṃ vai maitair aṣṭābʰir akṣarair upasaṃdʰehīti. tatʰeti.
   tām upasamadadʰād.
   etad vai tad gāyatryai madʰyaṃdine yan
   marutvatīyasyottare pratipado yaś cānucaraḥ.
   saikādaśākṣarā bʰūtvā mādʰyaṃdinaṃ savanam udayacʰan
Sentence: 3    nāśaknoj jagaty ekākṣarā tr̥tiyasavanam udyantuṃ.
   tāṃ gāyatry abravīd: āyāny, api me 'trāstv iti.
   sā tatʰety abravīj jagati,
   tāṃ vai maitair ekādaśabʰir akṣarair upasaṃdʰehīti. tatʰeti.
   tām upasamadadʰād.
   etad vai tad gāyatryai tr̥tīyasavane
   yad vaiśvadevasyottare pratipado yaś cānucaraḥ.
   sā dvādaśākṣarā bʰūtvā tr̥tīyasavanam udayacʰat
Sentence: 4    tato vā aṣṭākṣarā gāyatry abʰavad, ekādaśākṣarā triṣṭub,
   dvādaśākṣarā jagatī
Sentence: 5    sarvaiś cʰandobʰiḥ samāvadvīryaiḥ samāvajjāmibʰī rādʰnoti ya evaṃ vedai/kaṃ
Sentence: 6    vai sat tat tredʰābʰavat. tasmād āhur:
   dātavyam evaṃ viduṣa ity, ekaṃ hi sat tat tredʰābʰavat



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.