TITUS
Rg-Veda: Aitareya-Brahmana
Part No. 100
Previous part

Paragraph: 29 


Sentence: 1    te devā abruvann Ādityān:
   yuṣmābʰir idaṃ savanam udyacʰāmeti. tatʰeti.
   tasmād ādityārambʰaṇaṃ tr̥tīyasavanam, ādityagrahaḥ purastāt tasya
Sentence: 2    yajaty: ādityāso aditir mādayantām iti madvatyā rūpasamr̥ddʰayā.
   madvad vai tr̥tīyasavanasya rūpaṃ
Sentence: 3    nānuvāṣaṭkaroti, na bʰakṣayati.
   saṃstʰā vā eṣā yad anunvaṣaṭkāraḥ, saṃstʰā bʰakṣaḥ, prāṇā Ādityā:
   net prāṇān saṃstʰāpayānīti
Sentence: 4    ta Ādityā abruvan Savitāraṃ:
   tvayedaṃ saha savanam udyacʰāmeti. tatʰeti.
   tasmāt sāvitrī pratipad bʰavati vaiśvadevasya,
   sāvitragrahaḥ purastāt tasya.
   yajati: damūnā devaḥ savitā vareṇya iti madvatyā rūpasamr̥ddʰayā.
   madvad vai tr̥tīyasavanasya rūpaṃ.
   nānunvaṣaṭkaroti, na bʰakṣayati.
   saṃstʰā vā eṣā yad anunvaṣaṭkāraḥ, saṃstʰā bʰakṣaḥ, prāṇaḥ Savitā:
   net prāṇaṃ saṃstʰāpayānīty
Sentence: 5    ubʰe vā eṣa ete savane vipibati yat Savitā:
   prātaḥsavanaṃ ca tr̥tīyasavanaṃ ca.
   tad yat pibavat sāvitryai nividaḥ padam purastād bʰavati madvad upariṣṭād,
   ubʰayor evainaṃ tat savanayor ābʰajati:
   prātaḥsavane ca tr̥tīyasavane ca
Sentence: 6    bahvyaḥ prātar vāyavyāḥ śasyanta, ekā tr̥tīyasavane.
   tasmād ūrdʰvāḥ puruṣasya bʰūyāṃsaḥ prāṇā yac cāvāñco
Sentence: 7    dyāvāpr̥tʰivīyaṃ śaṃsati.
   dyāvāpr̥tʰivī vai pratiṣṭhe: iyam eveha pratiṣṭhāsāv amutra.
   tad yad dyāvāpr̥tʰivīyaṃ śaṃsati, pratiṣṭhayor evainaṃ tat pratiṣṭhāpayati



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.