TITUS
Rg-Veda: Aitareya-Brahmana
Part No. 105
Previous part

Paragraph: 34 


Sentence: 1    tad agninā paryādadʰus, tan Maruto 'dʰūnvaṃs, tad agnir na prācyāvayat.
   tad agninā vaiśvānareṇa paryādadʰus, tan Maruto 'dʰūnvaṃs,
   tad agnir vaiśvānaraḥ prācyāvayat.
   tasya yad retasaḥ pratʰamam udadīpyata, tad asāv Ādityo 'bʰavad.
   yad dvitīyam āsīt, tad Bʰr̥gur abʰavat.
   taṃ Varuṇo nyagr̥hṇīta, tasmāt sa Bʰr̥gur Vāruṇir.
   atʰa yat tr̥tīyam adīded iva, ta Ādityā abʰavan.
   ye 'ṅgārā āsaṃs, te 'ṅgiraso 'bʰavan.
   yad aṅgārāḥ punar avaśāntā udadīpyanta, tad Br̥haspatir abʰavad
Sentence: 2    yāni parikṣāṇāny āsaṃs te kr̥ṣṇā pasavo 'bʰavan,
   yā lohinī mr̥ttikā te rohitā.
   atʰa yad bʰasmāsīt, tat paruṣyaṃ vyasarpad:
   gauro gavaya r̥śya uṣṭro gardabʰa iti ye caite 'ruṇāḥ paśavas te ca
Sentence: 3    tān vā eṣa devo 'bʰyavadata: mama vā idam, mama vai vāstuham iti.
   tam etayarcā niravādayanta yaiṣā raudrī śasyata
Sentence: 4    ā te pitar marutāṃ sumnam etu mā naḥ sūryasya saṃdr̥śo yuyotʰāḥ \
   tvaṃ no vīro arvati kṣametʰā
Sentence: 5    iti brūyān nābʰi na ity, anabʰimānuko haiṣa devaḥ prajā bʰavati
Sentence: 6    pra jāyemahi rudriya prajābʰir iti
   brūyān na rudrety, etasyaiva nāmnaḥ parihr̥tyai
Sentence: 7    tad u kʰalu śaṃ naḥ karatīty eva śaṃsec,
   cʰam iti pratipadyate, sarvasmā eva śāntyai.
   nr̥bʰyo nāribʰyo gava iti.
   pumāṃso vai naraḥ striyo nāryaḥ, sarvasmā eva śāntyai
Sentence: 8    so ՚6 'niruktā raudrī śāntā, sarvāyuḥ sarvāyutvāya
Sentence: 9    sarvam āyur eti ya evaṃ veda
Sentence: 10    so gāyatrī. brahma vai gāyatrī, brahmaṇaivainaṃ tan namasyati



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.