TITUS
Rg-Veda: Aitareya-Brahmana
Part No. 108
Previous part

Paragraph: 37 


Sentence: 1    devānām patnīḥ śaṃsaty anūcīr agniṃ gr̥hapatiṃ,
   tasmād anūcī patnī gārhapatyam āste
Sentence: 2    tad āhū: Rākām pūrvāṃ śaṃsej, jāmyai vai pūrvapeyam iti
Sentence: 3    tat-tan nādr̥tyaṃ.
   devānām eva patnīḥ pūrvāḥ śaṃsed.
   eṣa ha vā etat patnīṣu reto dadʰāti yad agnir gārhapatyo,
   'gninaivāsu tad gārhapatyena patnīṣu pratyakṣād reto dadʰāti prajātyai
Sentence: 4    prajāyate prajayā paśubʰir ya evaṃ veda
Sentence: 5    tasmāt samānodaryā svasānyodāryayai jāyāyā anujīvinī jīvati
Sentence: 6    Rākāṃ śaṃsati. Rākā ha vā etām puruṣasya sevanīṃ sīvyati yaiṣā śiśne 'dʰi
Sentence: 7    pumāṃso 'sya putrā jāyante ya evaṃ veda
Sentence: 8    Pāvīravīṃ śaṃsati.
   vāg vai Sarasvatī Pāvīravī, vācy eva tad vācam dadʰāti
Sentence: 9    tad āhur: yāmīm pūrvāṃ śaṃse+t \ pitryā+m iti \
Sentence: 10    yāmīm eva pūrvāṃ śaṃsed: imaṃ yama prastaram ā hi sīdeti.
   rājño vai pūrvapeyaṃ, tasmād yāmīm eva pūrvāṃ śaṃsen
Sentence: 11    mātalī kavyair yamo aṅgirobʰir iti kāvyānām anūcīṃ śaṃsaty.
   avareṇaiva vai devān kāvyāḥ pareṇaiva pitr̥̄ṃs,
   tasmāt kāvyānām anūcīṃ śaṃsaty
Sentence: 12    ud īratām avara ut parāsa iti pitryāḥ śaṃsaty
Sentence: 13    un madʰyamāḥ pitaraḥ somyāsa iti
Sentence: 14    ye caivāvamā ye ca paramā ye ca madʰyamās, tān sarvān anantarāyam pr̥̄ṇāty
Sentence: 15    āham pitr̥̄n suvidatrām̐ avitsīti dvitīyāṃ śaṃsati
Sentence: 16    barhiṣado ye svadʰayā sutasyety.
   etad dʰa vā eṣām priyaṃ dʰāma yad barhiṣada iti,
   priyeṇaivaināṃs tad dʰāmnā samardʰayati
Sentence: 17    priyeṇa dʰāmnā samr̥dʰyate ya evaṃ vede/dam
Sentence: 18    pitr̥bʰyo namo astv adyeti namaskāravatīm antataḥ śaṃsati,
   tasmād antataḥ pitr̥bʰyo namaskriyate
Sentence: 19    tad āhur: vyāhāvam pitryāḥ śaṃse+t \ avyāhāvā+m iti \ vyāhāvam eva śaṃsed,
   asaṃstʰitaṃ vai pitr̥yajñasya sādʰv.
   asaṃstʰitaṃ vā eṣa pitr̥yajñaṃ saṃstʰāpayati yo ՚0 'vyāhāvaṃ śaṃsati,
   tasmād vyāhāvam eva śaṃstavyam



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.