TITUS
Rg-Veda: Aitareya-Brahmana
Part No. 109
Previous part

Paragraph: 38 


Sentence: 1    svāduṣ kilāyam madʰumām̐ utāyam itīndrasyaindrīr anupānīyāḥ śaṃsaty.
   etābʰir vā Indras tr̥tīyasavanam anvapibat, tad anupānīyānām anupānīyātvam
Sentence: 2    mādyantīva vai tarhi devatā yad etā hotā śaṃsati,
   tasmād etāsu madvat pratigīryaṃ
Sentence: 3    yayor ojasā skabʰitā rajāṃsīti vaiṣṇuvāruṇīm r̥caṃ śaṃsati.
   Viṣṇur vai yajñasya duriṣṭam pāti Varuṇaḥ sviṣṭaṃ,
   tayor ubʰayor eva śāntyai
Sentence: 4    viṣṇor nu kaṃ vīryāṇi pra vocam iti vaiṣṇavīṃ śansati.
   yatʰā vai matyam, evaṃ yajñasya Viṣṇus.
   tad yatʰā duṣkr̥ṣṭaṃ durmatīkr̥taṃ sukr̥ṣṭaṃ sumatīkr̥taṃ kurvann iyād,
   evam evaitad yajñasya duṣṭutaṃ duḥśastaṃ suṣṭutaṃ suśastaṃ kurvann eti
   yad etāṃ hotā śaṃsati
Sentence: 5    tantuṃ tanvan rajaso bʰānum anv ihīti prājāpatyāṃ śaṃsati.
   prajā vai tautuḥ, prajām evāsma etat saṃtanoti
Sentence: 6    jyotiṣmataḥ patʰo rakṣa dʰiyā kr̥tān iti.
   devayānā vai jyotiṣmantaḥ pantʰānas, tān evāsmā etad vitanoty.
   anulbaṇaṃ vayata joguvām apo manur bʰava janayā daivyaṃ janam ity
   evainaṃ tan Manoḥ prajayā saṃtanoti prajātyai
Sentence: 7    prajāyate prajayā paśubʰir ya evam vedai/vā
Sentence: 8    na indro magʰavā virapśīty uttamayā paridadʰātīyaṃ
   vā Indro magʰavā virapśī
Sentence: 9    karat satyā carṣaṇīdʰr̥d anarvetīyaṃ vai satyā carṣaṇīdʰr̥d anarvā
Sentence: 10    tvaṃ rājā januṣāṃ dʰehy asme itīyaṃ vai rājā januṣām
Sentence: 11    adʰi śravo māhinaṃ yaj jaritra itīyaṃ vai māhinaṃ
   yajñaḥ śravo yajamāno jaritā, yajamānāyaivaitām āśiṣam āśāste
Sentence: 12    tad upaspr̥śan bʰūmim paridadʰyāt.
   tad yasyām eva yajñaṃ sambʰarati,
   tasyām evainaṃ tad antataḥ pratiṣṭhāpayaty
Sentence: 13    agne marudbʰiḥ śubʰayadbʰir r̥kvabʰir ity
   āgnimārutam uktʰaṃ śastvāgnimārutyā yajati,
   yatʰābʰāgaṃ tad devatāḥ prīṇāti prīṇāti



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.