TITUS
Rg-Veda: Aitareya-Brahmana
Part No. 110
Previous part

Paragraph: 39 
{adʰyāya 14, kʰaṇḍaḥ 1-6}


Sentence: 1    devā vā asurair yuddʰam upaprāyan vijayāya, tān Agnir nānvakāmayataituṃ.
   taṃ devā abruvann: api tvam ehy, asmākaṃ vai tvam eko 'sīti.
   sa nāstuto 'nveṣyāmīty abravīt, stuta nu meti.
   taṃ te samutkramyopanivr̥tyāstuvaṃs, tān stuto 'nuprait
Sentence: 2    sa triḥśreṇir bʰūtvā tryanīko 'surān yuddʰam upaprāyad vijayāya.
   triḥśreṇir iti cʰandāṃsy eva śreṇīr akuruta,
   tryanīka iti savanāny evānīkāni.
   tān asambʰāvyam parābʰāvayat.
   tato vai devā abʰavan, parāsurā
Sentence: 3    bʰavaty ātmanā, parāsya dviṣan pāpmā bʰrātr̥vyo bʰavati, ya evaṃ veda
Sentence: 4    sā vā eṣā gāyatry eva yad agniṣṭomaś.
   caturviṃśatyakṣarā vai gāyatrī, caturviṃśatir agniṣṭomasya stutaśastrāṇi
Sentence: 5    tad vai yad idam āhuḥ: sudʰāyāṃ ha vai vāji suhito dadʰātīti.
   gāyatrī vai tan.
   na ha vai gāyatrī kṣamā ramata,
   ūrdʰvā ha vā eṣā yajamānam ādāya svār etity.
   agniṣṭomo vai tan. na ha vā agniṣṭomaḥ kṣamā ramata,
   ūrdʰvo ha vā eṣa yajamānam ādāya svar eti
Sentence: 6    sa vā eṣa saṃvatsara eva yad agniṣṭomaś.
   caturviṃśatyardʰamāso vai saṃvatsaraś,
   caturviṃśatir agniṣṭomasya stutaśastrāṇi
Sentence: 7    taṃ yatʰā samudraṃ srotyā evaṃ sarve yajñakratavo 'piyanti



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.