TITUS
Rg-Veda: Aitareya-Brahmana
Part No. 128
Previous part

Paragraph: 7 
adʰyāya 17, kʰaṇḍaḥ 1-8


Sentence: 1    Prajāpatir vai Somāyā rājñe duhitaram prāyacʰat Sūryāṃ Sāvitrīṃ.
   tasyai sarve devā varā āgacʰaṃs,
   tasyā etat sahasraṃ vahatum anvākarod yad etad āśvinam ity ācakṣate.
   'nāśvinaṃ haiva tad yad arvāksahasraṃ,
   tasmāt tat sahasraṃ vaiva śaṃsed bʰūyo vā
Sentence: 2    prāśya gʰr̥taṃ śaṃsed.
   yatʰā ha vā idam ano vā ratʰo vākto vartata, evaṃ haivākto vartate
Sentence: 3    śakunir ivotpatiṣyann āhvayīta
Sentence: 4    tasmin devā na samajānata:
   mamedam astu mamedam astv iti.
   te saṃjānānā abruvann:
   ājim asyāyāmahai.
   sa yo na ujjeṣyati, tasyedam bʰaviṣyatīti.
   te 'gner evādʰi gr̥hapater Ādityaṃ kāṣṭhām akurvata,
   tasmād āgneyī pratipad bʰavaty āśvinasyāgnir hotā gr̥hapatiḥ sa rājeti
Sentence: 5    tad dʰaika āhur:
   agnim manye pitaram agnim āpim ity etayā pratipadyeta
Sentence: 6    divi śukraṃ yajataṃ sūryasyeti pratʰamayaiva r̥cā kāṣṭhām āpnotīti
Sentence: 7    tattan nādr̥tyaṃ ya enaṃ tatra brūyād:
   agnim-agnim iti vai pratyapādy, agnim āpatsyatīti, śaśvat tatʰā syāt
Sentence: 8    tasmād:
   agnir hotā gr̥hapatiḥ sa rājety etayaiva pratipadyeta.
   gr̥hapativatī prajātimatī śāntā, sarvāyuḥ sarvāyutvāya
Sentence: 9    sarvam āyur eti ya evaṃ veda



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.