TITUS
Rg-Veda: Aitareya-Brahmana
Part No. 129
Previous part

Paragraph: 8 


Sentence: 1    tāsāṃ vai devatānām ājiṃ dʰāvantīnām abʰisr̥ṣṭānām
   Agnir mukʰam pratʰamaḥ pratyapadyata.
   tam Aśvināv anvāgacʰatāṃ, tam abrūtām:
   apodihy, āvāṃ vā idaṃ jeṣyāva iti.
   sa tatʰety abravīt, tasya vai mamehāpyastv iti. tatʰeti.
   tasmā apy atrākurutāṃ, tasmād āgneyam āśvine śasyate
Sentence: 2    tā Uṣasam anvāgacʰatāṃ, tām abrūtām:
   apodihy, āvāṃ vā idaṃ jeṣyāva iti.
   sā tatʰety abravīt, tasyai vai mamehāpyastv iti. tatʰeti.
   tasyā apy atrākurutāṃ, tasmād uṣasyam āśvine śasyate
Sentence: 3    tāv Indram anvāgacʰatāṃ, tam abrūtām:
   āvāṃ vā idam magʰavañ jeṣyāva iti.
   na ha taṃ dadʰr̥ṣatur apodihīti vaktuṃ.
   sa tatʰety abravīt, tasya vai mamehāpyastv iti. tatʰeti.
   tasmā apy atrākurutāṃ, tasmād aindram āśvine śasyate
Sentence: 4    tad Aśvinā udajayatām, Aśvināv āśnuvātāṃ.
   yad Aśvinā udajayatām Aśvināv āśnuvātāṃ,
   tasmād etad āśvinam ity ācakṣate
Sentence: 5    'śnute yad-yat kāmayate ya evaṃ veda
Sentence: 6    tad āhur:
   yac cʰasyata āgneyaṃ śasyata uṣasyam śasyata aindram:
   atʰa kasmād etad āśvinam ity ācakṣata ity.
   Aśvinau hi tad udajayatām, Aśvināv āśnuvātāṃ.
   yad Aśvinā udajayatām Aśvināv āśnuvātāṃ,
   tasmād etad āśvinam ity ācakṣate
Sentence: 7    'śnute yad-yat kāmayate ya evaṃ veda



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.