TITUS
Rg-Veda: Aitareya-Brahmana
Part No. 130
Previous part

Paragraph: 9 


Sentence: 1    aśvatarīratʰenāgnir ājim adʰāvat, tāsām prājamāno yonim akūḷayat,
   tasmāt tā na vijāyante
Sentence: 2    gobʰir aruṇair Uṣā ājim adʰāvat,
   tasmād Uṣasy āgatāyām aruṇam ivaiva prabʰāty, Uṣaso rūpam
Sentence: 3    aśvaratʰenendra ājim adʰāvat,
   tasmāt sa uccairgʰoṣa upabdimān kṣatrasya rūpam, aindro hi sa
Sentence: 4    gardabʰaratʰenāśvinā udajayatām, Aśvināv āśnuvātāṃ.
   yad Aśvinā udajayatām Aśvināv āśnuvātāṃ,
   tasmāt sa sr̥tajavo dugdʰadohaḥ, sarveṣām etarhi vāhanānām anāśiṣṭho.
   retasas tv asya vīryaṃ nāharatāṃ, tasmāt sa dviretā vājī
Sentence: 5    tad āhuḥ: sapta sauryāṇi cʰandāṃsi śaṃsed,
   yatʰaivāgneyaṃ yatʰoṣasyaṃ yatʰāśvinaṃ.
   sapta va, devalokāḥ, sarveṣu devalokeṣu rādʰnotīti
Sentence: 6    tattan nādr̥tyaṃ.
   trīṇy eva śaṃset.
   trayo vā ime trivr̥to lokā, eṣām eva lokānām abʰijityai
Sentence: 7    tad āhur:
   ud u tyaṃ jātavedasam iti sauryāṇi pratipadyeteti
Sentence: 8    tat-tan nādr̥tyaṃ.
   yatʰaiva gatvā kāṣṭhām aparādʰnuyāt, tādr̥k tat
Sentence: 9    sūryo no divas pātv ity etenaiva pratipadyeta.
   yatʰaiva gatvā kāṣṭhām abʰipadyeta, tādr̥k tad
Sentence: 10    ud u tyaṃ jātavedasam iti dvitīyaṃ śaṃsati
Sentence: 11    citraṃ devānām ud agād anīkam iti traiṣṭubʰam.
   asau vāva citraṃ devānām udeti, tasmād etac cʰaṃsati
Sentence: 12    namo mitrasya varuṇasya cakṣasa iti jāgataṃ.
   tad v āśīḥpadam, āśiṣam evaitenāśāsta ātmane ca yajamānāya ca



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.