TITUS
Rg-Veda: Aitareya-Brahmana
Part No. 131
Previous part

Paragraph: 10 


Sentence: 1    tad āhuh:
   Sūryo nātiśasyo, br̥hatī nātisasyā.
   yat Sūryam atiśaṃsed brahmavarcasam atipadyeta,
   yad br̥hatīm atiśaṃset prāṇān atipadyetetī/ndra
Sentence: 2    kratuṃ na ā bʰarety aindram pragātʰaṃ śaṃsati
Sentence: 3    śikṣā ṇo asmin puruhūta yāmani jīvā jyotir aśīmahīty
Sentence: 4    asau vāva jyotis, tena Sūryaṃ nātiśaṃsati
Sentence: 5    yad u bārhataḥ pragātʰas, tena br̥hatīṃ nātiśaṃsaty
Sentence: 6    abʰi tvā śūra nonuma iti rātʰaṃtarīṃ yoniṃ śaṃsati.
   rātʰaṃtareṇa vai saṃdʰināśvināya stuvate.
   tad yad rātʰāṃtārīṃ yoniṃ śaṃsati, ratʰaṃtarasyaiva sayonitvāye/=śānam
Sentence: 7    asya jagataḥ svardr̥śam ity.
   asau vāva svardr̥k, tena Sūryaṃ nātiśaṃsati
Sentence: 8    yad u bārhataḥ pragātʰas, tena br̥hatīṃ nātiśaṃsati
Sentence: 9    bahavaḥ sūracakṣasa iti maitrāvaruṇam pragātʰaṃ śaṃsaty.
   ahar vai Mitro, rātrir Varuṇa.
   ubʰe vā eṣo 'horātre ārabʰate, yo 'tirātram upaiti.
   tad yan maitrāvaruṇam pragātʰaṃ śaṃsaty,
   ahorātrayor evainaṃ tat pratiṣṭhāpayati
Sentence: 10    sūracakṣasa iti, tena Sūryaṃ nātiśaṃsati.
   yad u bārhataḥ pragātʰas, tena br̥hatīṃ nātiśaṃsati
Sentence: 11    mahī dyauḥ pr̥tʰivī ca nas,
   te hi dyāvāpr̥tʰivi viśvaśambʰuveti dyāvāpr̥tʰivīye śaṃsati.
   dyāvāpr̥tʰivī vai pratiṣṭhe:
   iyam eveha pratiṣṭhāsāv amutra.
   tad yad dyāvāpr̥tʰivīye śaṃsati, pratiṣṭhayor evainaṃ tat pratiṣtʰāpayati
Sentence: 12    devo devī dʰarmaṇā sūryaḥ śucir iti, tena Sūryaṃ nātiśaṃsati
Sentence: 13    yad u gāyatrī ca jagatī ca te dve br̥hatyau, tena br̥hatīṃ nātiśaṃsati
Sentence: 14    viśvasya devī mr̥cayasya janmano na yā roṣāti na grabʰad iti
   dvipadām śaṃsati
Sentence: 15    citaidʰam uktʰam iti ha sma vā etad ācakṣate yad etad āśvinaṃ.
   Nirr̥tir ha sma pāśiny upāste:
   yadaiva hotā paridʰāsyaty, atʰa pāśān pratimokṣyāmīti.
   tato vā etām Br̥haspatir dvipadām apaśyan:
   nā ya roṣāti na grabʰad iti,
   tayā Nirr̥tyāḥ pāśinyā adʰarācaḥ pāśān apāsyat.
   tad yad etaṃ dvipadāṃ hotā śaṃsati,
   Nirr̥tyā eva tat pāśinyā adʰarācaḥ pāsān apāsyati,
   svasty eva hotonmucyate sarvāyuḥ sarvāyutvāya
Sentence: 16    sarvam āyur eti ya evaṃ veda
Sentence: 17    mr̥cayasya janmana ity.
   asau vāva marcayatīva, tena Sūryaṃ nātiśaṃsati
Sentence: 18    yad u dvipadā puruṣacʰandasaṃ, sā sarvāṇi cʰandāṃsy abʰyāptā:
   tena br̥hatīṃ nātiśaṃsati



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.