TITUS
Rg-Veda: Aitareya-Brahmana
Part No. 132
Previous part

Paragraph: 11 


Sentence: 1    brāhmaṇaspatyayā paridadʰāti.
   brahma vai Br̥haspatir, brahmaṇy evainaṃ tad antataḥ pratiṣṭhāpayaty
Sentence: 2    evā pitre viśvadevāya vr̥ṣṇa ity etayā paridadʰyāt prajākāmaḥ paśukāmo
Sentence: 3    br̥haspate suprajā vīravanta iti.
   prajayā vai suprajā vīravān
Sentence: 4    vayaṃ syāma patayo rayīṇām iti
Sentence: 5    prajāvān paśumān rayimān vīravān bʰavati
   yatraivaṃ vidvān etayā paridadʰāti
Sentence: 6    br̥haspate ati yad aryo arhād ity
   etayā paridadʰyāt tejaskāmo brahmavarcasakāmo,
   'tīva vānyān brahmavarcasam arhati
Sentence: 7    dyumad iti.
   dyumad iva vai brahmavarcasaṃ vibʰātīti, vīva vai brahmavarcasam bʰāti
Sentence: 8    yad dīdayac cʰavasa r̥taprajāteti.
   dīdāyeva vai brahmavarcasaṃ
Sentence: 9    tad asmāsu draviṇaṃ dʰehi citram iti.
   citram iva vai brahmavarcasam
Sentence: 10    brahmavarcasī brahmayaśasī bʰavati yatraivaṃ vidvān etayā paridadʰāti
Sentence: 11    tasmād evaṃ vidvān etayaiva paridadʰyād
Sentence: 12    brāhmaṇaspatyā, tena Sūryaṃ nātisaṃsati
Sentence: 13    yad u triṣṭubʰaṃ triḥ śaṃsati, sā sarvāṇi cʰandāṃsy abʰyāptā:
   tena br̥hatīṃ nātiśaṃsati
Sentence: 14    gāyatryā ca triṣṭubʰā ca vaṣaṭkuryād
Sentence: 15    brahma vai gāyatrī vīryam triṣṭub, brahmaṇaiva tad vīryaṃ saṃdadʰāti
Sentence: 16    brahmavarcasī brahmayaśasī vīryavān bʰavati
   yatraivaṃ vidvān gāyatryā ca triṣṭubʰā ca vaṣaṭkaroty
Sentence: 17    aśvinā vāyunā yuvaṃ sudakṣo,bʰā pibatam aśvineti
Sentence: 18    gāyatryā ca virājā ca vaṣaṭkuryād.
   brahma vai gāyatry annaṃ virād, brahmaṇaiva tad annādyaṃ saṃdadʰāti
Sentence: 19    brahmavarcasī brahmayaśasī bʰavati,
   brahmādyam annam atti yatraivaṃ vidvān gāyatryā ca virājā ca vaṣaṭkaroti
Sentence: 20    tasmād evaṃ vidvān gāyatryā caiva virājā ca vaṣaṭkuryāt:
   pra vām andʰāṃsi madyāny astʰur, ubʰā pibatam aśvinety etābʰyām



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.