TITUS
Rg-Veda: Aitareya-Brahmana
Part No. 133
Previous part

Paragraph: 12 


Sentence: 1    caturviṃśam etad ahar upayanty ārambʰaṇīyam
Sentence: 2    etena vai saṃvatsaram ārabʰanta,
   etena stomāṃś ca cʰandāṃsi caitena sarvā devatā.
   anārabdʰaṃ vai tac cʰando, 'nārabdʰā sā devatā,
   yad etasminn ahani nārabʰante.
   tad ārambʰaṇīyasyārambʰaṇīyatvaṃ
Sentence: 3    caturviṃśaḥ stomo bʰavati, tac caturviṃśasya caturviṃśatvaṃ
Sentence: 4    caturviṃśatir vā ardʰamāsā, ardʰamāsaśa eva tat saṃvatsaram ārabʰanta
Sentence: 5    uktʰyo bʰavati.
   paśavo vā uktʰāni, paśūnām avaruddʰyai
Sentence: 6    tasya pañcadaśa stotrāṇi bʰavanti, pañcadaśa śastrāni:
   sa māso.
   māsaśa eva tat saṃvatsaram ārabʰante
Sentence: 7    tasya ṣaṣṭiś ca trīṇi ca śatāni stotriyās.
   tāvanti saṃvatsarasyāhāny, ahaśśa eva tat saṃvatsaram ārabʰante
Sentence: 8    'gniṣṭoma etad ahaḥ syād, ity āhur, agniṣṭomo vai saṃvatsaro,
   na vā etad anyo 'gniṣṭomād ahar dādʰārā na vivyāceti
Sentence: 9    sa yady agniṣṭomaḥ syād,
   aṣṭācatvāriṃśās trayaḥ pavamānāḥ syuś caturviṃśānītarāṇi stotrāṇi.
   tad u ṣaṣṭiś caiva trīṇi ca śatāni stotriyās.
   tāvanti saṃvatsarasyāhāny, ahaśśa eva tat saṃvatsaram ārabʰanta
Sentence: 10    uktʰya eva syāt, paśusamr̥ddʰo yajñaḥ, paśusamr̥ddʰaṃ satraṃ.
   sarvāṇi caturviṃśāni stotrāṇi, pratyakṣād dʰy etad ahaś caturviṃśaṃ.
   tasmād uktʰya eva syāt



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.