TITUS
Rg-Veda: Aitareya-Brahmana
Part No. 149
Previous part

Paragraph: 28 


Sentence: 1    br̥hac ca vā idam agre ratʰaṃtaraṃ cāstāṃ.
   vāk ca vai tan manaś cāstāṃ, vāg vai ratʰaṃtaram mano br̥hat.
   tad br̥hat pūrvaṃ sasr̥jānaṃ ratʰaṃtaram atyamanyata.
   tad ratʰaṃtaraṃ garbʰam adʰatta, tad vairūpam asr̥jata
Sentence: 2    te dve bʰūtvā ratʰaṃtaraṃ ca vairūpaṃ ca br̥had atyamanyetāṃ.
   tad br̥had garbʰam adʰatta, tad vairājam asr̥jata
Sentence: 3    te dve bʰūtvā br̥hac ca vairājaṃ ca ratʰaṃtaraṃ ca vairūpam cātyamanyetāṃ.
   tad ratʰaṃtaraṃ garbʰam adʰatta, tac cʰākvaram asr̥jata
Sentence: 4    tāni trīṇi bʰūtva ratʰaṃtaraṃ ca vairūpam ca śākvaraṃ ca br̥hac ca
   vairājaṃ cātyamanyanta.
   tad br̥had garbʰam adʰatta, tad raivatam asr̥jata
Sentence: 5    tāni trīṇy anyāni trīṇy anyāni ṣaṭ pr̥ṣṭhāny āsaṃs
Sentence: 6    tāni ha tarhi trīṇi cʰandāṃsi ṣaṭ pr̥ṣṭhāni nodāpnuvan.
   sā gāyatrī garbʰam adʰatta, sānuṣṭubʰam asr̥jata.
   triṣṭub garbʰam adʰatta, sā pa/nktim asr̥jata.
   jagatī garbʰam adʰatta, sāticʰandasam asr̥jata.
   tāni trīṇy anyāni trīṇy anyāni ṣaṭ cʰandāṃsy āsan ṣaṭ pr̥ṣṭhāni.
   tāni tatʰākalpanta, kalpate yajño 'pi
Sentence: 7    tasyai janatāyai kalpate yatraivam etāṃ cʰandasāṃ ca pr̥ṣṭhānāṃ ca
   kḷptiṃ vidvān dīkṣate dīkṣate



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.