TITUS
Rg-Veda: Aitareya-Brahmana
Part No. 150
Previous part

Paragraph: 29 
{adʰyāya 20, kʰaṇḍaḥ 1-4}


Sentence: 1    Agnir vai devatā pratʰamam ahar vahati,
   trivr̥t stomo ratʰaṃtaraṃ sāma gāyatrī cʰando
Sentence: 2    yatʰādevatam enena yatʰāstomaṃ yatʰāsāma yatʰācʰandasaṃ rādʰnoti
   ya evaṃ veda
Sentence: 3    yad vā eti ca preti ca, tat pratʰamasyāhno rūpaṃ.
   yad yuktavad yad ratʰavad yad āśumad yat pibavad,
   yat pratʰame pade devatā nirucyate,
   yad ayaṃ loko 'bʰyudito,
   yad rātʰaṃtaraṃ yad gāyatraṃ yat kariṣyad:
   etāni vai pratʰamasyāhno rūpāṇy
Sentence: 4    upaprayanto adʰvaram iti pratʰamasyāhna ājyam bʰavati
Sentence: 5    preti pratʰame 'hani pratʰamasyāhno rūpaṃ
Sentence: 6    vāyav ā yāhi darśateti praügam.
   eti pratʰame 'hani pratʰamasyāhno rūpam
Sentence: 7    ā tvā ratʰaṃ yatʰotaya, idaṃ vaso sutam andʰa iti
   marutvatīyasya pratipadanucarau.
   ratʰavac ca pibavac ca pratʰame 'hani pratʰamasyāhno rūpam
Sentence: 8    indra nedīya ed ihītīndranihavaḥ pragātʰaḥ.
   pratʰame pade devatā nirucyate, pratʰame 'hani pratʰamasyāhno rūpam
Sentence: 9    praitu brahmaṇas patir iti brāhmaṇaspatyaḥ.
   preti pratʰame 'hani pratʰamasyāhno rūpam
Sentence: 10    agnir netā, tvaṃ soma kratubʰiḥ, pinvanty apa iti dʰāyyāḥ.
   pratʰameṣu padeṣu devatā nirucyante, pratʰame 'hani pratʰamasyāhno rūpam
Sentence: 11    pra vā indrāya br̥hata iti marutvatīyaḥ pragātʰaḥ.
   preti pratʰame 'hani pratʰamasyāhno rūpam
Sentence: 12    ā yātv indro 'vasa upa na iti sūktam.
   eti pratʰame 'hani pratʰamasyāhno rūpam
Sentence: 13    abʰi tvā śūra nonumo, 'bʰi tvā pūrvapītaya iti
   ratʰaṃtaram pr̥ṣṭham bʰavati.
   rātʰaṃtare 'hani pratʰame 'hani pratʰamasyāhno rūpaṃ
Sentence: 14    yad vāvāna purutamam purāṣāḷ iti dʰāyy,ā vr̥trahendro nāmāny aprā ity.
   eti pratʰame 'hani pratʰamasyāhno rūpam
Sentence: 15    pibā sutasya rasina iti
   sāmapragātʰaḥ pibavān pratʰame 'hani pratʰamasyāhno rūpaṃ
Sentence: 16    tyam ū ṣu vājinaṃ devajūtam iti tārkṣyam purastāt sūktasya śaṃsati.
   svastyayanaṃ vai tārkṣyaḥ, svastitāyai
Sentence: 17    svastyayanam eva tat kurute,
   svasti saṃvatsarasya pāram aśnute ya evaṃ veda



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.