TITUS
Rg-Veda: Aitareya-Brahmana
Part No. 151
Previous part

Paragraph: 30 


Sentence: 1    ā na indro dūrād ā na āsād iti sūktam.
   eti pratʰame 'hani pratʰamasyāhno rūpaṃ
Sentence: 2    sampātau bʰavato niṣkevalyamarutvatīyayor nividdʰāne.
   Vāmadevo vā imām̐l lokān apaśyat, tān sampātaiḥ samapatad.
   yat sampātaiḥ samapatat, tat sampātānāṃ sampātatvaṃ.
   tad yat sampātau pratʰame 'hani śaṃsati,
   svargasya lokasya samaṣṭyai sampattyai saṃgatyai
Sentence: 3    tat savitur vr̥ṇīmahe, 'dyā no deva savitar iti
   vaiśvadevasya pratipadanucarau.
   rātʰaṃtare 'hani pratʰame 'hani pratʰamasyāhno rūpaṃ
Sentence: 4    yuñjate mana uta yuñjate dʰiya iti
   sāvitraṃ yuktavat pratʰame 'hani pratʰamasyāhno rūpam
Sentence: 5    pra dyāvā yajñaiḥ pr̥tʰivī r̥tāvr̥dʰeti dyāvāpr̥tʰivīyam.
   preti pratʰame 'hani pratʰamasyāhno rūpam
Sentence: 6    iheha vo manasā bandʰutā nara ity ārbʰavaṃ.
   yad vā eti ca preti ca, tat pratʰamasyāhno rūpaṃ.
   tad yat preti sarvam abʰaviṣyat, praiṣyann evāsmāl lokād yajamānā iti.
   tad yad iheha vo manasā bandʰutā nara ity ārbʰavam pratʰame 'hani śaṃsaty,
   ayaṃ vai loka ihehāsminn evaināṃs tal loke ramayati
Sentence: 7    devān huve br̥haccʰravasaḥ svastaya iti vaiśvadevam.
   pratʰame pade devatā nirucyante, pratʰame 'hani pratʰamasyāhno rūpam
Sentence: 8    mahāntaṃ vā ete 'dʰvānam eṣyanto bʰavanti,
   ye saṃvatsaraṃ vā dvādaśāhaṃ vāsate.
   tad yad devān huve br̥haccʰravasaḥ svastaya iti
   vaiśvadevam pratʰame 'hani śaṃsati, svastitāyai
Sentence: 9    svastyayanam eva tat kurute,
   svasti saṃvatsarasya pāram aśnute ya evaṃ veda yeṣāṃ
   caivaṃ vidvān etad dʰotā devān huve br̥haccʰravasaḥ svastaya iti
   vaiśvadevam pratʰame 'hani śaṃsati
Sentence: 10    vaiśvānarāya pr̥tʰupājase vipa ity āgnimārutasya pratipat.
   pratʰame pade devatā nirucyate, pratʰame 'hani pratʰamasyāhno rūpam
Sentence: 11    pratvakṣaso pratavaso virapśina iti mārutam.
   preti pratʰame 'hani pratʰamasyāhno rūpaṃ
Sentence: 12    jātavedase sunavāma somam iti jātavedasyām purastāt sūktasya śaṃsati.
   svastyayanaṃ vai jātavedasyāḥ, svastitāyai
Sentence: 13    svastyayanam eva tat kurute,
   svasti saṃvatsarasya pāram aśnute ya evaṃ veda
Sentence: 14    pra tavyasīṃ navyasīṃ dʰītim agnaya iti jātavedasyam.
   preti pratʰame 'hani pratʰamasyāhno rūpaṃ
Sentence: 15    samānam āgnimārutam bʰavati yac cāgniṣṭome.
   yad vai yajñe samānaṃ kriyate, tat prajā anusamananti.
   tasmāt samānam āgnimārutam bʰavati



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.