TITUS
Rg-Veda: Aitareya-Brahmana
Part No. 152
Previous part

Paragraph: 31 


Sentence: 1    Indro vai devatā dvitīyam ahar vahati,
   pañcadaśaḥ stomo br̥hat sāma triṣṭup cʰando
Sentence: 2    yatʰādevatam enena yatʰāstomaṃ yatʰāsāma yatʰācʰandasaṃ rādʰnoti
   ya evaṃ veda
Sentence: 3    yad vai neti na preti yat stʰitaṃ, tad dvitīyasyāhno rūpaṃ.
   yad ūrdʰvavad yat prativad yad antarvad yad vr̥ṣaṇvad yad vr̥dʰanvad,
   yan madʰyame pade devatā nirucyate, yad antarikṣam abʰyuditaṃ,
   yad bārhataṃ yat traiṣṭubʰaṃ yat kurvad:
   etāni vai dvitīyasyāhno rūpāṇy
Sentence: 4    agniṃ dūtaṃ vr̥ṇīmaha iti dvitīyasyāhna ājyam bʰavati.
   kurvad dvitīye 'hani dvitīyasyāhno rūpaṃ
Sentence: 5    vāyo ye te sahasriṇa iti praügaṃ,
   sutaḥ soma r̥tāvr̥dʰeti vr̥dʰanvad dvitīye 'hani dvitīyasyāhno rūpaṃ
Sentence: 6    viśvānarasya vas patim,
   indra it somapā eka iti marutvatīyasya pratipadanucarau.
   vr̥dʰanvac cāntarvac ca dvitīye 'hani dvitīyasyāhno rūpam
Sentence: 7    indra nedīya ed ihīty acyutaḥ pragātʰa, ut tiṣṭha brahmaṇas pata iti
   brāhmaṇaspatya ūrdʰvavān dvitīye 'hani dvitīyasyāhno rūpam
Sentence: 8    agnir netā, tvaṃ soma kratubʰiḥ, pinvanty apa iti dʰāyyā acyutā
Sentence: 9    br̥had indrāya gāyateti marutvatīyaḥ pragātʰo,
   yena jyotir ajanayann r̥tāvr̥dʰa iti
   vr̥dʰanvān dvitīye 'hani dvitīyasyāhno rūpam
Sentence: 10    indra somaṃ somapate pibemam iti sūktam,
   sajoṣā rudrais tr̥pad ā vr̥ṣasveti
   vr̥ṣaṇvad dvitīye 'hani dvitīyasyāhno rūpaṃ
Sentence: 11    tvām id dʰi havāmahe, tvaṃ hy ehi cerava iti br̥hatpr̥ṣṭham bʰavati.
   bārhate 'hani dvitīye 'hani dvitīyasyāhno rūpaṃ
Sentence: 12    yad vāvāneti dʰāyyācyuto/bʰayaṃ
Sentence: 13    śr̥ṇavac ca na iti sāmapragātʰo,
   yac cedam adya yad u ca hya āsīd iti
   bārhate 'hani dvitīye 'hani dvitīyasyāhno rūpaṃ
Sentence: 14    tyam ū ṣu vājinaṃ devajūtam iti tārkṣyo 'cyutaḥ



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.