TITUS
Rg-Veda: Aitareya-Brahmana
Part No. 155
Previous part

Paragraph: 2 


Sentence: 1    yo jāta eva pratʰamo manasvān iti
   sūktaṃ samānodarkaṃ tr̥tīye 'hani tr̥tīyasyāhno rupāṃ
Sentence: 2    tad u sajanīyam.
   etad vā Indrasyendriyaṃ yat sajanīyam,
   etasmin vai śasyamāna Indram indriyam āviśati
Sentence: 3    tad dʰāpy āhuś cʰandogās:
   tr̥tīye 'hani bahvr̥cā Indrasyendriyam śaṃsantīti
Sentence: 4    tad u gārtsamadam.
   etena vai Gr̥tsamada Indrasya priyaṃ dʰāmopāgacʰat,
   sa paramaṃ lokam ajayad
Sentence: 5    upendrasya priyaṃ dʰāma gacʰati, jayati paramaṃ lokaṃ ya evaṃ veda
Sentence: 6    tat savitur vr̥ṇīmahe, 'dyā no deva savitar iti
   vaiśvadevasya pratipadanucarau.
   rātʰaṃtare 'hani tr̥tīye 'hani tr̥tīyasyāhno rūpaṃ
Sentence: 7    tad devasya savitur vāryam mahad iti sāvitram
Sentence: 8    anto vai mahad, antas tr̥tīyam ahas tr̥tīye 'hani tr̥tīyasyāhno rūpaṃ
Sentence: 9    gʰr̥tena dyāvāpr̥tʰivī abʰīvr̥te iti
   dyāvāpr̥tʰivīyaṃ, gʰir̥taśriyā gʰr̥tapr̥cā gʰr̥tāvr̥dʰeti
   punarāvr̥ttam punarninr̥ttāṃ tr̥tīye 'hani tr̥tīyasyāhno rūpam
Sentence: 10    anaśvo jāto anabʰīśur uktʰya ity ārbʰavam,
   ratʰas tricakra iti trivat tr̥tīye 'hani tr̥tīyasyāhno rūpam
Sentence: 11    parāvato ye didʰiṣanta āpyam iti vaiśvadevam.
   anto vai parāvato, 'ntas tr̥tīyam ahas tr̥tīye 'hani 'tr̥tīyasyāhno rūpaṃ
Sentence: 12    tad u gāyam.
   etena vai Gayaḥ Plāto viśveṣāṃ devānām pr̥yaṃ dʰāmopāgacʰat,
   sa paramaṃ lokam ajayad
Sentence: 13    upa viśveṣāṃ devānām priyaṃ dʰāma gacʰati,
   jayati paramaṃ lokaṃ ya evaṃ veda
Sentence: 14    vaiśvānarāya dʰiṣaṇām r̥tāvr̥dʰa ity āgnimārutasya pratipad.
   anto vai dʰiṣaṇāntas tr̥tīyam ahas tr̥tīye 'hani tr̥tīyasyāhno rūpaṃ
Sentence: 15    dʰārāvarā maruto dʰr̥ṣṇvojasa iti mārutam bahvabʰivyāhr̥tyam.
   anto vai bahv, antas tr̥tiyam ahas tr̥tīye 'hani tr̥tīyasyāhno rūpaṃ
Sentence: 16    jātavedase sunavāma somam iti jātavedasyācyutā
Sentence: 17    tvam agne pratʰamo aṅgirā r̥ṣir iti
   jātavedasyam purastādudarkaṃ tr̥tīye 'hani tr̥tīyasyāhno rūpaṃ.
   tvaṃ-tvam ity uttaraṃ tryaham abʰivadati, saṃtatyai
Sentence: 18    saṃtatais tryahair avyavacʰinnair yanti ya evaṃ vidvāṃso yanti



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.