TITUS
Rg-Veda: Aitareya-Brahmana
Part No. 154
Previous part

Chapter: 5 
pañcikā 5
Paragraph: 1 
adʰyāya 21, kʰaṇḍaḥ 1-5


Sentence: 1    viśve vai devā devatās tr̥tīyam ahar vahanti,
   saptadaśaḥ stomo vairūpaṃ sāma jagatī cʰando
Sentence: 2    yatʰādevatam enena yatʰāstomaṃ yatʰāsāma yatʰācʰandasaṃ rādʰnoti
   ya evaṃ veda
Sentence: 3    yad vai samānodarkaṃ, tat tr̥tīyasyāhno rūpaṃ.
   yad aśvavad yad antavad yat punarāvr̥ttaṃ yat punarnuur̥ttaṃ
   yad ratavad yat paryastavad yat trivad yad antarūpaṃ,
   yad uttame pade devatā nirucyate, yad asau loko 'bʰyudito,
   yad vairūpaṃ yaj jāgataṃ yat kr̥tam:
   etāni vai tr̥tīyasyāhno rūpāṇi
Sentence: 4    yukṣvā hi devahūtamām̐ aśvām̐ agne ratʰīr iveti tr̥tīyasyāhna ājyam bʰavati
Sentence: 5    devā vai tr̥tīyenāhnā svargaṃ lokam āyaṃs,
   tān asurā rakṣāṃsy anvavārayanta. te:
   virūpā bʰavata virūpā bʰavateti bʰavanta āyaṃs. te yad:
   virūpā bʰavata virūpā bʰavateti bʰavanta āyaṃs, tad vairūpaṃ sāmābʰavat,
   tad vairūpasya vairūpatvaṃ
Sentence: 6    virūpaḥ pāpmanā bʰūtvā pāpmānam apahate ya evaṃ veda
Sentence: 7    tān ha smānv evāgacʰanti, sam eva sr̥jyante,
   tān aśvā bʰūtvā padbʰir apāgʰnata.
   yad aśvā bʰūtvā padbʰir apāgʰnata, tad aśvānām aśvatvam
Sentence: 8    aśnute yad-yat kāmayate ya evaṃ veda
Sentence: 9    tasmād aśvaḥ paśūnāṃ javiṣṭhas, tasmād aśvaḥ pratyaṅ padā hinasty
Sentence: 10    apa pāpmānaṃ hate ya evaṃ veda
Sentence: 11    tasmād etad aśvavad ājyam bʰavati, tr̥tīye 'hani tr̥tīyasyāhno rūpaṃ
Sentence: 12    vāyav ā yāhi vītaye, vāyo yāhi śivā diva,
   indraś ca vāyav eṣāṃ sutānām, ā mitre varuṇe vayam,
   aśvināv eha gacʰatam, ā yāhy adribʰiḥ sutaṃ, sajūr viśvebʰir devebʰir,
   uta naḥ priyā priyāsv ity auṣṇiham praügaṃ.
   samānodarkaṃ tr̥tīye 'hani tr̥tīyasyāhno rūpaṃ
Sentence: 13    taṃ-tam id rādʰase mahe, traya indrasya somā iti
   marutvatīyasya pratipadanucarau.
   ninr̥ttavat trivat tr̥tīye 'hani tr̥tīyasyāhno rūpam
Sentence: 14    indra nedīya ed ihīty acyutaḥ pragātʰaḥ,
   pra nūnam brahmaṇas patir iti
   brāhmaṇaspatyo ninr̥ttavāṃs tr̥tīye 'hani tr̥tīyasyāhno rūpam
Sentence: 15    agnir netā, tvaṃ soma kratubʰiḥ, pinvanty āpa iti dʰāyyā acyutā
Sentence: 16    nakiḥ sudāso ratʰam pary āsa na rīramad iti
   marutvatīyaḥ pragātʰaḥ paryastavāṃs tr̥tīye 'hani tr̥tīyasyāhno rūpaṃ
Sentence: 17    try aryamā manuṣo devatāteti sūktaṃ trivat tr̥tīye 'hani tr̥tīyasyāhno rūpaṃ
Sentence: 18    yad dyāva, indra te śataṃ, yad indra yāvatas tvam iti
   vairūpam pr̥ṣṭham bʰavati.
   rātʰaṃtare 'hani tr̥̄tiye 'hani tr̥tīyasyāhno rūpaṃ
Sentence: 19    yad vāvāneti dʰāyyācyutā/bʰi
Sentence: 20    tvā śūra nonuma iti ratʰaṃtarasya yonim anu nivartayati.
   rātʰaṃtaraṃ hy etad ahar āyatanene/ndra
Sentence: 21    tridʰātu śaraṇam iti
   sāmapragātʰas trivāṃs tr̥tīye 'hani tr̥tīyasyāhno rūpaṃ
Sentence: 22    tyam ū ṣu vājinaṃ devajūtam iti tārkṣyo 'cyutaḥ



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.