TITUS
Rg-Veda: Aitareya-Brahmana
Part No. 165
Previous part

Paragraph: 12 


Sentence: 1    dyaur vai devatā ṣaṣṭham ahar vahati,
   
trayastriṃśaḥ stomo raivataṃ sāmāticʰandāś cʰando.
   
yatʰādevatam enena yatʰāstomaṃ yatʰāsāma yatʰācʰandasaṃ rādʰnoti
   
ya evaṃ veda
Sentence: 2    
yad vai samānodarkaṃ, tat ṣaṣṭhasyāhno rūpaṃ.
   
yad dʰy eva tr̥tīyam ahas tad etat punar yat ṣaṣṭhaṃ.
   
yad aśvavad yad antavad yat punarāvr̥ttaṃ yat punarninr̥ttaṃ
   
yad ratavad yat paryastavad yat trivad yad antarūpaṃ,
   
yad uttame pade devatā nirucyate, yad asau loko 'bʰyudito
Sentence: 3    
yat pāruccʰepaṃ yat saptapadaṃ yan nārāśaṃsaṃ
   
yan nābʰānediṣṭhaṃ yad raivataṃ yad aticʰandā
   
yat kr̥taṃ yat tr̥tīyasyāhno rūpaṃ:
   
etāni vai ṣaṣṭhasyāhno rūpāṇy
Sentence: 4    
ayaṃ jāyata manuṣo dʰarīmaṇīti ṣaṣṭhasyāhna āyam bʰavati
   
pāruccʰepam aticʰandāḥ saptapadaṃ ṣaṣṭhe 'hani ṣaṣṭhasyāhno rūpaṃ
Sentence: 5    
stīrṇam barhir upa no yāhī vitaya, ā vāṃ ratʰo niyutvān vakṣad avase,
   
suṣumā yātam adribʰir, yuvāṃ stomebʰir devayanto aśvinā,var maha indra,
   
vr̥ṣann indrā,stu śrauṣaḷ, o ṣū ṇo agne śr̥ṇuhi tvam īḷito,
   
ye devāso divy ekādaśa stʰe,yam adadād rabʰasam r̥ṇacyutam iti
   
praügam pāruccʰepam aticʰandāḥ
   
saptapadaṃ ṣaṣṭhe 'hani ṣaṣṭhasyāhno rūpaṃ
Sentence: 6    
sa pūrvyo mahānām iti marutvatīyasya pratipad.
   
anto vai mahad, antaḥ ṣaṣṭham ahaḥ
   
ṣaṣṭhe 'hani ṣaṣṭhasyāhno rūpaṃ
Sentence: 7    
traya indrasya somā, indra nedīya ed ihi, pra nūnam brahmaṇas patir,
   
agnir netā, tvaṃ soma kratubʰiḥ, pinvanty apo,
   
nakiḥ sudāso ratʰam iti tr̥tīyenāhnā samāna ātānaḥ
   
ṣaṣṭhe 'hani ṣaṣṭhasyāhno rūpaṃ
Sentence: 8    
yaṃ tvaṃ ratʰam indra medʰasātaya iti
   
sūktam pāruccʰepam aticʰandāḥ saptapadaṃ
   
ṣaṣṭhe 'hani ṣaṣṭhasyāhno rūpaṃ
Sentence: 9    
sa yo vr̥ṣā vr̥ṣṇyebʰiḥ samokā iti sūktaṃ samānodarkaṃ
   
ṣaṣṭhe 'hani ṣaṣṭhasyāhno rūpam
Sentence: 10    
indra marutva iha pāhi somam iti sūktaṃ,
   
tebʰiḥ sākam pibatu vr̥trakʰāda ity:
   
anto vai kʰādo, 'ntaḥ ṣaṣṭham ahaḥ
   
ṣaṣṭhe 'hani ṣaṣṭhasyāhno rūpaṃ
Sentence: 11    
tad u traiṣṭubʰaṃ.
   
tena pratiṣṭhitapadena savanaṃ dādʰārāyatanād evaitena na pracyavate
Sentence: 12    
'yaṃ ha yena vā idam iti paryāsaḥ,
   
svar marutvatā jitam ity:
   
anto vai jitam, antaḥ ṣaṣṭham ahaḥ
   
ṣaṣṭhe 'hani ṣaṣṭhasyāhno rūpaṃ
Sentence: 13    
tā u gāyatryo.
   
gāyatryo vā etasya tryahasya madʰyaṃdinaṃ vahanti.
   
tad vai tac cʰando vahati yasmin nivid dʰīyate.
   
tasmād gāyatrīṣu nividaṃ dadʰāti
Sentence: 14    
revatīr naḥ sadʰamāde, revām̐ id revata stoteti raivatam pr̥ṣṭham bʰavati.
   
bārhate 'hani ṣaṣṭhe 'hani ṣaṣṭhasyāhno rūpaṃ
Sentence: 15    
yad vāvāneti dʰāyyācyutā
Sentence: 16    
tvām id dʰi havāmaha iti br̥hato yonim anu nivartayati.
   
bārhataṃ hy etad ahar āyatanene/ndram
Sentence: 17    
id devatātaya iti sāmapragātʰo ninr̥ttavān
   
ṣaṣṭhe 'hani ṣaṣṭhasyāhno rūpaṃ
Sentence: 18    
tyam ū ṣu vājinaṃ devajūtam iti tārkṣyo 'cyutaḥ



Next part



This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.