TITUS
Rg-Veda: Aitareya-Brahmana
Part No. 166
Previous part

Paragraph: 13 


Sentence: 1    endra yāhy upa naḥ parāvata iti sūktam pāruccʰepam aticʰandāḥ
   
saptapadaṃ ṣaṣṭhe 'hani ṣaṣṭhasyāhno rūpam
Sentence: 2    
pra gʰā nv asya mabato mahānīti sūktaṃ
   
samānodarkaṃ ṣaṣṭhe 'hani ṣaṣṭhasyāhno rūpam
Sentence: 3    
abʰūr eko rayipate rayīṇām iti sūktaṃ,
   
ratʰam ā tiṣṭha tuvinr̥mṇa bʰīmam ity:
   
anto vai stʰitam, antaḥ ṣaṣṭham ahaḥ ṣaṣṭhe 'hani ṣasṭhasyāhno rūpaṃ
Sentence: 4    
tad u traiṣṭubʰaṃ.
   
tena pratiṣṭhitapadena savanaṃ dādʰārāyatanād evaitena na pracyāvata
Sentence: 5    
upa no haribʰiḥ sutam iti paryāsaḥ
   
samānodarkaḥ ṣaṣṭhe 'hani ṣaṣṭhasyāhno rūpaṃ
Sentence: 6    
tā u gāyatryo.
   
gāyātryo vā etasya tryahasya madʰyaṃdinam vahanti.
   
tad vai tac cʰando vahati yasmin nivid dʰīyate.
   
tasmād gāyatrīṣu nividaṃ dadʰāty
Sentence: 7    
abʰi tyaṃ devaṃ savitāram oṇyor iti vaiśvadevasya pratipad
   
aticʰandāḥ ṣāṣṭhe 'hani ṣaṣṭhasyāhno rūpaṃ
Sentence: 8    
tat savitur vareṇyaṃ, doṣo āgād ity anucaro.
   
'nto vai gatam, antaḥ ṣaṣṭham ahaḥ ṣasṭhe 'hani ṣaṣṭhasyāhno rūpam
Sentence: 9    
ud u ṣya devaḥ savitā savāyeti sāvitraṃ,
   
śaśvattamaṃ tadapā vahnir astʰād ity:
   
anto vai stʰitam, antaḥ ṣaṣṭham ahaḥ ṣaṣṭhe 'hani ṣaṣṭhasyāhno rūpaṃ
Sentence: 10    
katarā pūrvā katarāparāyor iti dyāvāpr̥tʰivīyaṃ
   
samānodarkaṃ ṣaṣṭhe 'hani ṣaṣṭhasyāhno rūpaṃ
Sentence: 11    
kim u śreṣṭhaḥ kiṃ yaviṣṭho na ājagann,
   
upa no vājā adʰvaram r̥bʰukṣā ity ārbʰavaṃ nārāśaṃsaṃ
   
trivat ṣaṣṭhe 'hani ṣaṣṭhasyāhno rūpam
Sentence: 12    
idam ittʰā raudraṃ gūrtavacā,
   
ye yajñena dakṣiṇayā samaktā iti vaiśvadevam



Next part



This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.