TITUS
Rg-Veda: Aitareya-Brahmana
Part No. 167
Previous part

Paragraph: 14 


Sentence: 1    Nābʰānediṣṭhaṃ śaṃsati
Sentence: 2    
Nābʰānediṣṭhaṃ vai Mānavam brahmacaryaṃ vasantam bʰrātaro nirabʰajan.
   
so 'bravīd etya:
   
kim mahyam abʰāktety. etam eva niṣṭhāvam avavaditāram ity abruvaṃs.
   
tasmād dʰāpy etarhi pitaram putrā:
   
niṣṭhāvo 'vavaditety evācakṣate
Sentence: 3    
sa pitaram etyābravīt:
   
tvāṃ ha vāva mahyam tatābʰākṣur iti.
   
tam pitābravīn:
   
mā putraka tad ādr̥tʰā.
   
Aṅgiraso vā ime svargāya lokāya satram āsate,
   
te ṣaṣṭhaṃ-ṣaṣṭham evāhar āgatya muhyanti.
   
tān ete sūkte ṣaṣṭhe 'hani śaṃsaya,
   
teṣāṃ yat sahasraṃ satrapariveṣaṇaṃ tat te svar yanto dāsyantīti. tatʰeti
Sentence: 4    
tān upait:
   
prati gr̥bʰṇīta mānavaṃ sumedʰasa iti.
   
tam abruvan:
   
kiṃkāmo vadasītī,dam eva vaḥ ṣaṣṭham ahaḥ prajñāpayānīty abravīd,
   
atʰa yad va etat sahasraṃ satrapariveṣaṇaṃ tan me svar yanto dattehi.
   
tatʰeti. tān ete sūkte ṣaṣṭhe 'hani aśaṃsayat,
   
tato vai te pra yajñam ajānan pra svargaṃ lokaṃ
Sentence: 5    
tad yad ete sūkte ṣaṣṭhe 'hani śaṃsati,
   
yajñasya prajñātyai svargasya lokasyānukʰyātyai
Sentence: 6    
taṃ svar yanto 'bruvann:
   
etat te brāhmaṇa sahasram iti.
   
tad enaṃ samākurvāṇam puruṣaḥ kr̥ṣṇaśavāsy uttarata upottʰāyābravīn:
   
mama vā idam, mama vai vāstuham iti.
   
so 'bravīn:
   
mahyaṃ vā idam adur iti.
   
tam abravīt:
   
tad vai nau tavaiva pitari praśna iti.
   
sa pitaram ait, tam pitābravīn:
   
nanu te putrakādū+r ity.
   
adur eva ma, ity abravīt,
   
tat tu me puruṣah kr̥ṣṇaśavāsy uttarata upodatiṣṭhan:
   
mama vā idam, mama vai vāstuham ity aditeti.
   
tam pitābravīt:
   
tasyaiva putraka, tat-tat tu sa tubʰyaṃ dāsyatīti.
   
sa punar etyābravīt:
   
tava ha vāva kila bʰagava idam iti me pitāheti.
   
so 'bravīt:
   
tad ahaṃ tubʰyam eva dadāmi ya eva satyam avādīr iti
Sentence: 7    
tasmād evaṃ viduṣā satyam eva vaditavyaṃ
Sentence: 8    
sa eṣa sahasrasanir mantro yan nābʰānediṣṭha
Sentence: 9    
upainaṃ sahasraṃ namati,
   
pra ṣaṣṭhenāhnā svargaṃ lokaṃ jānāti ya evaṃ veda



Next part



This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.