TITUS
Rg-Veda: Aitareya-Brahmana
Part No. 176
Previous part

Paragraph: 23 


Sentence: 1    te tataḥ sarpanti, te sadaḥ samprapadyante.
   
yatʰāyatʰam anya r̥tvijo vyutsarpanti, saṃsarpanty udgātāras,
   
te Sarparājñyā r̥kṣu stuvata
Sentence: 2    
iyaṃ vai Sarparājñīyaṃ hi sarpato rājñīyaṃ vā alomikevāgra āsīt.
   
saitam mantram apaśyad:
   
āyaṃ gauḥ pr̥śnir akramīd iti.
   
tām ayam pr̥śnir varṇa āviśan nānārūpo,
   
yaṃ-yaṃ kāmam akāmayata
   
yad idaṃ kiṃcauṣadʰayo vanaspatayaḥ sarvāṇi rūpāṇi
Sentence: 3    
priśnir enaṃ varṇa āviśati nānārūpo, yaṃ-yaṃ kāmaṃ kāmayate ya evaṃ veda
Sentence: 4    
manasā prastauti manasodgāyati manasā pratiharati, vācā śaṃsati
Sentence: 5    
vāk ca vai manaś ca devānām mitʰunaṃ.
   
devānām eva tan mitʰunena mitʰunam avarundʰate,
   
devānām mitʰunena mitʰunam prajāyante prajātyai.
   
prajāyate prajayā paśubʰir ya evaṃ vedā/tʰa
Sentence: 6    
caturhotr̥̄n hotā vyācaṣṭe, tad eva tat stutam anuśaṃsati
Sentence: 7    
devānāṃ vā etad yajñiyaṃ guhyaṃ nāma yac caturhotāras.
   
tad yac caturhotr̥̄n hotā vyācaṣṭe,
   
devānām eva tad yajñiyaṃ guhyaṃ nāma prakāśaṃ gamayati,
   
tad enam prakāśaṃ gatam prakāśam gamayati.
Sentence: 8    
gacʰati prakāśaṃ ya evaṃ veda
Sentence: 9    
yam brāhmaṇam anūcānaṃ yaśo narcʰed,
   
iti ha smāhāraṇyam paretya darbʰastambān udgratʰya
   
dakṣiṇato brahmāṇam upaveśya caturhotr̥̄n vyācakṣīta
Sentence: 10    
devānāṃ vā etad yajñiyaṃ guhyaṃ nāma yac caturhotāras.
   
tad yac caturhotr̥̄n vyācakṣīta,
   
devānām eva tad yajñiyaṃ guhyaṃ nāma prakāśaṃ gamayati,
   
tad enam prakāśaṃ gatam prakāśaṃ gamayati.
   
gacʰati prakāśaṃ ya evaṃ veda



Next part



This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.