TITUS
Rg-Veda: Aitareya-Brahmana
Part No. 175
Previous part

Paragraph: 22 


Sentence: 1    pr̥ṣṭhyaṃ ṣaḷaham upayanti.
   
yatʰā vai mukʰam evam pr̥ṣṭhyaḥ ṣaḷahas.
   
tad yatʰāntaram mukʰasya jihvā tālu dantā, evaṃ cʰandomā.
   
atʰa yenaiva vācaṃ vyākaroti yena svādu cāsvādu ca vijānāti,
   
tad daśamam ahar
Sentence: 2    
yatʰā vai nāsike evam pr̥ṣṭhyaḥ ṣaḷahas.
   
tad yatʰāntaram nāsikayor, evaṃ cʰandomā.
   
atʰa yenaiva gandʰān vijānāti, tad daśamam ahar
Sentence: 3    
yatʰā vā akṣy evam pr̥ṣṭhyaḥ ṣaḷahas.
   
tad yatʰāntaram akṣṇaḥ kr̥ṣṇam, evaṃ cʰandomā.
   
atʰa yaiva kanīnikā yena paśyati, tad daśamam ahar
Sentence: 4    
yatʰā vai karṇa evam pr̥ṣṭhyaḥ ṣaḷahas.
   
tad yatʰāntaraṃ karṇasyaivaṃ cʰandomā.
   
atʰa yenaiva śr̥ṇoti, tad daśamam ahaḥ
Sentence: 5    
śrīr vai daśamam ahaḥ, śriyaṃ vā eta āgacʰanti ye daśamam ahar āgacʰanti.
   
tasmād daśamam ahar avivākyam bʰavati:
   
mā śriyo 'vavādiṣmeti, duravavadaṃ hi śreyasas
Sentence: 6    
te tataḥ sarpanti
Sentence: 7    
te mārjayante
Sentence: 8    
te patnīśālāṃ samprapadyante
Sentence: 9    
teṣāṃ ya etām āhutiṃ vidyāt, sa brūyāt:
   
samanvārabʰadʰvam iti.
   
sa juhuyād
Sentence: 10    
iha rameha ramadʰvam, iha dʰr̥tir iha svadʰr̥tir,
   
Agne vāṭ, svāhā vāḷ iti
Sentence: 11    
sa yad iha ramety āhāsminn evaināṃs tal loke ramayatīha ramadʰvam iti
   
yad āha, prajām evaiṣu tad ramayatīha dʰr̥tir iha svadʰr̥tir iti
   
yad āha, prajāṃ caiva tad vācaṃ ca yajamāneṣu dadʰāty.
   
Agne vāḷ iti ratʰaṃtaram, svāhā vāḷ iti br̥had
Sentence: 12    
devānāṃ vā etan mitʰunaṃ yad br̥hadratʰaṃtare,
   
devānām eva tan mitʰunena mitʰunam avarundʰate,
   
devānām mitʰunena mitʰunam prajāyante prajātyai
Sentence: 13    
prajāyate prajayā paśubʰir ya evaṃ veda
Sentence: 14    
te tataḥ sarpanti, te mārjayante, ta āgnīdʰraṃ samprapadyante.
   
teṣāṃ ya etām āhutiṃ vidyāt, sa brūyat:
   
samanvārabʰadʰvam iti.
   
sa juhuyād
Sentence: 15    
upasr̥jan dʰaruṇam mātaraṃ dʰaruṇo dʰayan \
   
rāyas poṣam iṣam ūrjam asmāsu dīdʰarat svāheti
Sentence: 16    
rāyas poṣam iṣam ūrjam avarunddʰa ātmane ca yajamānebʰyaś ca
   
yatraivaṃ vidvān etām āhutiṃ juhoti



Next part



This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.