TITUS
Rg-Veda: Aitareya-Brahmana
Part No. 174
Previous part

Paragraph: 21 


Sentence: 1    saṃ ca tve jagmur gira indra pūrvīr iti sūktaṃ
   
gatavan navame 'hani navamasyāhno rūpaṃ
Sentence: 2    
kadā bʰuvan ratʰakṣayāṇi brahmeṭi sūktaṃ kṣetivad antarūpaṃ.
   
kṣetīva vā antaṃ gatvā, navame 'hani navamasyāhno rūpam
Sentence: 3    
ā satyo yātu magʰavām̐ r̥jīṣīti sūktaṃ
   
satyavan navame 'hani navamasyāhno rūpam
Sentence: 4    
tat ta indriyam paramam parācair iti sūktam.
   
anto vai paramam, anto navamam ahar navame 'hani navamasyāhno rūpaṃ
Sentence: 5    
tad u traiṣṭubʰam.
   
tena pratiṣṭhitapadena savanaṃ dādʰārāyatanād evaitena na pracyavate
Sentence: 6    
'ham bʰuvaṃ vasunaḥ pūrvyas patir iti sūktam,
   
ahaṃ dʰanāni saṃ jayāmi śaśvata ity:
   
anto vai jitam, anto navamam ahar navame 'hani navamasyāhno rūpaṃ
Sentence: 7    
tad u jāgataṃ.
   
jagatyo vā etasya tryahasya madʰyaṃdinaṃ vahanti.
   
tad vai vac cʰando vahati yasmin nivid dʰīyate.
   
tasmāj jagatīṣu nividaṃ dadʰāti
Sentence: 8    
mitʰunāni sūktāni śasyante traiṣṭubʰāni ca jāgatāni ca.
   
mitʰunaṃ vai paśavaḥ paśavaś cʰandomāḥ, paśūnām avaruddʰyai.
   
pañca-pañca sūktāni śasyante.
   
pañcapadā paṅktiḥ pāṅkto yajñaḥ pāṅktāḥ paśavaḥ paśavaś cʰandomāḥ,
   
paśūnām avaruddʰyai.
   
tāni dvedʰā, pañcānyāni pañcānyāni, daśa sampadyante:
   
sā daśinī virāḷ.
   
annam virāḷ annam paśavaḥ paśavaś cʰandomāḥ, paśūnām avaruddʰyai
Sentence: 9    
tat savitur vr̥ṇīmahe,
   
'dyā no deva savitar iti vaiśvadevasya pratipadanucarau.
   
rātʰaṃtare 'hani navame 'hani navamasyāhno rūpaṃ
Sentence: 10    
doṣo āgād iti sāvitraṃ anto vai gatam,
   
anto navamam ahar navame 'hani navamasyāhno rūpam
Sentence: 11    
pra vām mahidyavī abʰīti dyāvāpr̥tʰivīyaṃ,
   
śucī upa praśastaya iti śucivan navame 'hani navamasyāhno rūpam
Sentence: 12    
indra iṣe dadātu nas, te no ratnāni dʰattanety ārbʰavaṃ,
   
trir ā sāptāni sunvata iti trivan navame 'hani navamasyāhno rūpām
Sentence: 13    
babʰrur eko viṣuṇaḥ sūnaro yuveti dvipadāḥ śaṃsati.
   
dvipād vai puruṣaś catuṣpādāḥ paśavaḥ paśavaś cʰandomāh,
   
paśūnām avaruddʰyai.
   
tad yad dvipadāḥ śaṃsati,
   
yajamānam eva tad dvipratiṣṭhaṃ catuṣpātsu paśuṣu pratiṣṭhāpayati
Sentence: 14    
ye triṃśati trayas para iti vaiśvadevaṃ
   
trivan navame 'hani navamasyāhno rūpaṃ
Sentence: 15    
tāny u gāyatrāṇi.
   
gāyatratr̥tīyasavana eṣa tryaho
Sentence: 16    
vaiśvānaro na ūtaya ity āgnimārutasya pratipad,
   
ā pra yatu parāvata ity:
   
anto vai parāvato, 'nto navamam ahar navame 'hani navamasyāhno rūpam
Sentence: 17    
maruto yasya hi kṣaya iti mārutaṃ kṣetivad antarūpaṃ.
   
kṣetīva vā antaṃ gatvā, navame 'hani navamasyāhno rūpaṃ
Sentence: 18    
jatavedase sunavāma somam iti jātavedasyācyutā
Sentence: 19    
prāgnaye vācam īrayeti jātavedasyaṃ
   
samānodarkaṃ navame 'navamasyāhno rūpaṃ
Sentence: 20    
sa naḥ parṣad ati dviṣaḥ sa naḥ parṣad ati dviṣa iti saṃsah.
   
bahu vā etasmin navarātre kiṃca-kiṃca vāraṇaṃ kriyate, śāntyā eva.
   
tad yat:
   
sa naḥ parṣad ati dviṣaḥ sa naḥ parṣad ati dviṣa iti śaṃsati,
   
sarvasmād evaināṃs tad enasaḥ pramuñcati
Sentence: 21    
tāny u gāyatrāṇi.
   
gāyatratr̥tīyasavana eṣa tryahaḥ



Next part



This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.