TITUS
Rg-Veda: Aitareya-Brahmana
Part No. 173
Previous part

Paragraph: 20 
{adʰyāya 24, kʰaṇḍaḥ 1-6}


Sentence: 1    yad vai samānodarkaṃ, tan navamasyāhno rūpaṃ
Sentence: 2    
yad dʰy eva tr̥tīhyam ahas tad evaitat punar yau navamaṃ
Sentence: 3    
yad aśvavad yad antavad yat punarāvr̥ttaṃ yat punarninr̥ttaṃ
   
yad ratavad yat paryastavad yat trivad yad antarūpaṃ,
   
yad uttame pade devatā nirucyate, yad asau loko 'bʰyudito
Sentence: 4    
yac cʰucivad yat satyavad yat kṣetivad yad gatavad yad okavad
Sentence: 5    
yat kr̥taṃ yat tr̥tīyasyāhno rūpam:
   
etāni vai navamasyāhno rūpāṇy
Sentence: 6    
aganma mahā namasā yaviṣṭham iti navamasyāhna ājyam bʰavati
   
gatavan navame 'hani navamasyāhno rūpaṃ
Sentence: 7    
tad u traiṣṭubʰaṃ.
   
triṣṭupprātaḥsavana eṣa tryahaḥ
Sentence: 8    
pra vīrayā śucayo dadrire te, te satyena manasā dīdʰyānā,
   
divi kṣayantā rajasaḥ pr̥tʰivyām, ā viśvavārāśvinā gataṃ no,
   
'yaṃ soma indra tubʰyaṃ sunva ā tu, pra brahmāṇo aṅgiraso nakṣanta,
   
sarasvatīṃ devayanto havanta, ā no divo br̥hataḥ parvatād ā,
   
sarasvaty abʰi no neṣi vasya iti
   
praügaṃ śucivat satyavat kṣetivad gatavad
   
okavan navame 'hani navamasyāhno rūpaṃ
Sentence: 9    
tad u traiṣṭubʰaṃ.
   
triṣṭupprātaḥsavana eṣa tryahas
Sentence: 10    
taṃ-tam id rādʰase mahe, traya indrasya somā, indra nedīya ed ihi,
   
pra nūnam brahmaṇas patir, agnir netā, tvaṃ somā kratubʰiḥ, pinvanty apo,
   
nakiḥ sudāso ratʰam iti tr̥tīyenāhnā samāna
   
ātāno navame 'hani navamasyāhno rūpam
Sentence: 11    
indraḥ svāhā pibatu yasya soma iti sūktam.
   
anto vai svāhākāro, 'nto navamam ahar navame 'hani navamasyāhno rūpaṃ
Sentence: 12    
gāyat sāma nabʰanyaṃ yatʰā ver iti sūktam,
   
arcāma tad vāvr̥dʰānaṃ svarvad ity:
   
anto vai svar, anto navamam ahar navame 'hani navamasyāhno rūpaṃ
Sentence: 13    
tiṣṭhā harī ratʰa ā yujyamāneti sūktam.
   
anto vai stʰitam, anto navamam ahar navame 'hani navamasyāhno rūpam
Sentence: 14    
imā u tvā purutamasya kāror iti sūktaṃ, dʰiyo ratʰeṣṭhām ity:
   
anto vai stʰitam, anto navamam ahar navame 'hani navamasyāhno rūpaṃ
Sentence: 15    
tad u traiṣṭubʰaṃ.
   
tena pratiṣṭhitapadena savanaṃ dādʰārāyatanād evaitena na pracyavate
Sentence: 16    
pra mandine pitumad arcatā vaca iti sūktam
   
samānodarkaṃ navame 'hani navamasyāhno rūpaṃ
Sentence: 17    
tad u jāgataṃ.
   
jagatyo vā etasya tryahasya madʰyaṃdinaṃ vahanti.
   
tad vai tac cʰando vahati yasmin nivld dʰīyate.
   
tasmāj jagatīṣu nividaṃ dadʰāti
Sentence: 18    
mitʰunāni sūktāni sasyante traiṣṭubʰāni ca jāgatāni ca.
   
mitʰunaṃ vai paśavaḥ paśavaś cʰandomāḥ, paśūnām avaruddʰyai
Sentence: 19    
pañcā sūktāni śasyante.
   
pañcapadā paṅktiḥ pāṅkto yajñaḥ pāṅktāḥ paśavaḥ paśavaś cʰandomāḥ,
   
paśūnām avaruddʰyai
Sentence: 20    
tvām id dʰi havāmahe,
   
tvaṃ hy ehi cerava iti br̥hatpr̥ṣṭham bʰavati navame 'hani
Sentence: 21    
yad vāvāneti dʰāyyācyutābʰi tvā śūra nonuma iti
   
ratʰaṃtarasya yonim anu nivartayati.
   
rātʰaṃtaraṃ hy etad ahar āyatanenendra tridʰātu śaraṇam iti
   
sāmapragātʰas trivān navame 'hani navamasyāhno rūpaṃ.
   
tyam ū ṣu vājinaṃ devajūtam iti tārkṣyo 'cyutaḥ



Next part



This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.