TITUS
Rg-Veda: Aitareya-Brahmana
Part No. 172
Previous part

Paragraph: 19 


Sentence: 1    apūrvyā purutamāny asmā iti sūktam, mahe vīrāya tavase turāyeti
   
mahadvad aṣṭame 'hani aṣṭamasyāhno rūpaṃ.
   
tāṃ su te kīrtim magʰavan mahitveti sūktam
   
mahadvad aṣṭame 'hani aṣṭamasyāhno rūpaṃ.
   
tvam mahām̐ indra yo ha śuṣmair iti sūktam
   
mahadvad aṣṭame 'hani aṣṭamasyāhno rūpaṃ.
   
tvam mahām̐ indra tubʰyaṃ ha kṣā iti sūktam
   
mahadvad aṣṭame 'hany aṣṭamasyāhno rūpam
Sentence: 2    
tad u traiṣṭubʰaṃ.
   
tena pratiṣṭhitapadena savanaṃ dādʰārāyatanād evaitena na pracyavate
Sentence: 3    
divaś cid asya varimā vi papratʰa iti sūktam, indraṃ na mahneti
   
mahadvad aṣṭame 'hani aṣṭamasyāhno rūpam
Sentence: 4    
tad u jāgatāṃ.
   
jagatyo vā etasya tryahasya madʰyaṃdinaṃ vahanti.
   
tad vai tac cʰando vahati yasmin nivid dʰīyate.
   
tasmāj jagatīṣu nividaṃ dadʰāti
Sentence: 5    
mitʰunāni sūktāni śasyante traiṣṭubʰāni ca jāgatāni ca.
   
mitʰunaṃ vai paśavaḥ paśavaś cʰandomāḥ, paśūnām avaruddʰyai
Sentence: 6    
mahadvanti sūktāni śasyante.
   
mahad vā antarikṣam, antarikṣasyāptyai.
   
pañca-pañca sūktāni śasyante.
   
pañcapadā paṅktiḥ pāṅkto yajñaḥ pāṅktāḥ paśavaḥ paśavaś cʰandomāḥ,
   
paśūnām avaruddʰyai
Sentence: 7    
tāni dvedʰā, pañcānyāni pañcānyāni, daśa sampadyante:
   
sā daśinī virāḷ.
   
annam virāḷ annam paśavah paśavaś cʰandomāḥ, paśūnām avaruddʰyai
Sentence: 8    
viśvo devasya netus, tat savitur vareṇyam,
   
ā viśvadevaṃ satpatim iti vaiśvadevasya pratipadanucarau.
   
bārhate 'hani aṣṭame 'hani aṣṭamasyāhno rūpaṃ
Sentence: 9    
hiraṇyapāṇim ūtaya iti sāvitram
   
ūrdʰvavad aṣṭame 'hany aṣṭamasyāhno rūpam
Sentence: 10    
mahī dyauḥ pr̥tʰivī ca na iti dyāvāpr̥tʰivīyam
   
mahadvad aṣṭame 'hani aṣṭamasyāhno rūpaṃ
Sentence: 11    
yuvānā pitarā punar ity ārbʰavam
   
punarvad aṣṭame 'hani aṣṭamasyāhno rūpam
Sentence: 12    
imā nu kam bʰuvanā sīṣadʰāmeti dvipadāḥ śaṃsati.
   
dvipād vai puruṣaś catuṣpādāḥ paśavaḥ paśavaś cʰandomāḥ,
   
paśūnām avaruddʰyai.
   
tad yad dvipadāḥ śaṃsati,
   
yajamānam eva tad dvipratiṣṭhaṃ catuṣpātsu paśuṣu pratiṣṭhāpayati
Sentence: 13    
devānām id avo mahad iti vaiśvadevam
   
mahadvad aṣṭame 'hany aṣṭamasyāhno rūpaṃ
Sentence: 14    
tāny u gāyatrāṇi.
   
gāyatratr̥tīyasavana eṣa tryaha
Sentence: 15    
r̥tāvānaṃ vaiśvānaram ity āgnimārutasya pratipad,
   
agnir vaiśvānaro mahān iti
   
mahadvad aṣṭame 'hany aṣṭamasyāhno rūpaṃ
Sentence: 16    
krīḷaṃ vaḥ śardʰo mārutam iti mārutaṃ,
   
jambʰe rasasya vāvr̥dʰa iti
   
vr̥dʰanvad aṣṭame 'hany aṣṭamasyāhno rūpaṃ
Sentence: 17    
jātavedase sunavāma somam iti jātavedasyācyutā/gne
Sentence: 18    
mr̥ḷa mahām̐ asīti jātavedasyam
   
mahadvad aṣtame 'hany aṣṭamasyāhno rūpaṃ
Sentence: 19    
tāny u gāyatrāṇi.
   
gāyatratr̥tīyasavana eṣa tryaha eṣa tryahaḥ



Next part



This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.