TITUS
Rg-Veda: Aitareya-Brahmana
Part No. 171
Previous part

Paragraph: 18 


Sentence: 1    yad vai neti na preti yat stʰitaṃ,
   
tad aṣṭamasyāhno rūpaṃ
Sentence: 2    
yad dʰy eva dvitīyam ahas tad evaitat punar yad aṣṭamaṃ
Sentence: 3    
yad ūrdʰvavad yat prativad yad antarvad yad vr̥ṣaṇvad yad vr̥dʰanvad,
   
yan madʰyame pade devatā nirucyate, yad antarikṣam abʰyuditaṃ
Sentence: 4    
yad dvyagni yan mahadvad yad dvihūtavad yat punarvad yat kurvad
Sentence: 5    
yad dvitīyasyāhno rūpaṃ:
   
etāni vā aṣṭamasyāhno rūpāṇy
Sentence: 6    
agniṃ vo devam agnibʰiḥ sajoṣā ity aṣṭamasyāhna ājyam bʰavati
   
dvyagny aṣṭame 'hani aṣṭamasyāhno rūpam
Sentence: 7    
tad u traiṣṭubʰaṃ.
   
triṣṭupprātaḥsavana eṣa tryahaḥ
Sentence: 8    
kuvid aṅga namasā ye vr̥dʰāsaḥ,
   
=pīvoannām̐ rayivr̥dʰaḥ sumedʰā, ucʰann uṣasaḥ sudinā ariprā,
   
uśantā dūtā na dabʰāya gopā, yāvat taras tanvo yāvad ojaḥ,
   
prati vāṃ sūra udite sūktair, dʰenuḥ pratnasya kāmyaṃ duhānā,
   
brahmā ṇā indropa yāhi vidvān, ūrdʰvo agniḥ sumatiṃ vasvo aśred,
   
uta syā naḥ sarasvatī juṣāṇeti praügam prativad antarvad dvihūtavad
   
ūrdʰvavad aṣṭame 'hany aṣṭamasyāhno rūpaṃ
Sentence: 9    
tad u traiṣṭubʰaṃ.
   
triṣṭupprātaḥsavana eṣa tryaho
Sentence: 10    
viśvānarasya vas patim, indra it somapā eka, indra nedīya ed ihy,
   
ut tiṣṭha brahmaṇas pate, 'gnir netā, tvaṃ soma kratubʰiḥ,
   
pinvanty apo, br̥had indrāya gāyateti dvitīyenāhnā samāna
   
ātāno 'ṣṭame 'hani aṣṭamasyāhno rūpam
Sentence: 11    
śaṃsā mahām indraṃ yasmin viśvā iti sūktam
   
mahadvad aṣṭame 'hany aṣṭamasyāhno rūpam
Sentence: 12    
mahaś cit tvam indra yata etān iti sūktam
   
mahadvad aṣṭame 'hany aṣṭamasyāhno rūpam
Sentence: 13    
pibā somam abʰi yam ugra tarda iti sūktam,
   
ūrvaṃ gavyam mahi gr̥ṇāna indreti
   
mahadvad aṣṭame 'hany aṣṭamasyāhno rūpam
Sentence: 14    
mahām̐ indro nr̥vad ā carṣaṇiprā iti sūktam
   
mahadvad aṣṭame 'hani aṣṭamasyāhno rūpaṃ
Sentence: 15    
tad u traiṣṭubʰaṃ.
   
tena pratiṣṭhitapadena savanaṃ dādʰārāyatanād evaitena na pracyavate
Sentence: 16    
tam asya dyāvāpr̥tʰivī sacetaseti sūktaṃ,
   
yad ait kr̥ṇvāno mahimānam indriyam iti
   
mahadvad aṣṭame 'hany aṣṭamasyāhno rūpam
Sentence: 17    
tad u jāgataṃ.
   
jagatyo vā etasya tryahasya madʰyaṃdinaṃ vahanti.
   
tad vai tac cʰando vahati yasmin nivid dʰīyate.
   
tasmāj jagatīṣu nividaṃ dadʰāti
Sentence: 18    
mitʰunāni sūktāni śasyante traiṣṭubʰāni ca jāgatāni ca.
   
mitʰunaṃ vai paśavaḥ paśavaś cʰandomāḥ, paśūnām avaruddʰyai
Sentence: 19    
mahadvanti sūktāni śasyante.
   
mahad vā antarikṣam, antarikṣasyāptyai
Sentence: 20    
pañca sūktāni śasyante.
   
pañcapadā paṅktiḥ pāṅkto yajñaḥ pāṅktāḥ paśavaḥ paśavaś cʰandomāḥ,
   
paśūnām avaruddʰyā
Sentence: 21    
abʰi tvā śūra nonumo, 'bʰi tvā pūrvapītaya iti
   
ratʰaṃtaram pr̥ṣṭham bʰavaty aṣṭame 'hani
Sentence: 22    
yad vāvāneti dʰāyyācyutā
Sentence: 23    
tvām id dʰi havāmaha iti br̥hato yonim anu nivartayati.
   
bārhataṃ hy etad ahar āyataneno/bʰayaṃ
Sentence: 24    
śr̥ṇavac ca na iti sāmapragātʰo.
   
yac cedam adya yad u ca hya āsīd iti bārhate 'hany
   
aṣṭame 'hani aṣṭamasyāhno rūpaṃ
Sentence: 25    
tyam ūṣu vājinaṃ devajūtam iti tārkṣyo 'cyutaḥ



Next part



This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.