TITUS
Rg-Veda: Aitareya-Brahmana
Part No. 170
Previous part

Paragraph: 17 


Sentence: 1    Indrasya nu vīryāṇi pra vocam iti sūktam.
   
preti saptame 'hani saptamasyāhno rūpaṃ
Sentence: 2    
tad u traiṣṭubʰaṃ.
   
tena pratiṣṭhitapadena savanaṃ dādʰārāyatanād evaitena na pracyavate
Sentence: 3    
'bʰi tyam meṣam puruhūtam r̥gmiyam iti suktaṃ.
   
yad vāva preti tad abʰīti saptame 'hani saptamasyāhno rūpaṃ
Sentence: 4    
tad u jāgataṃ.
   
jagatyo vā etasya tryahasya madʰyaṃdinaṃ vahanti.
   
tad vai tac cʰando vahati yasmin nivid dʰīyate.
   
tasmāj jagatīṣu nividaṃ dadʰāti
Sentence: 5    
mitʰunāni sūktāni śasyante traiṣṭubʰāni ca jāgatāni ca.
   
mitʰunaṃ vai paśavaḥ paśavaś cʰandomāḥ paśūnām avaruddʰyai
Sentence: 6    
tat savitur vr̥ṇīmahe,
   
'dyā no deva savitar iti vaiśvadevasya pratipadanucarau.
   
rātʰaṃtare 'hani saptame 'hani saptamasyāhno rūpam
Sentence: 7    
abʰi tvā deva savitar iti sāvitraṃ.
   
yad vāva preti tad abʰīti saptame 'hani saptamasyāhno rūpam
Sentence: 8    
pretāṃ yajñasya śambʰuveti dyāvāpr̥tʰivīyam.
   
preti saptame 'hani saptamasyāhno rūpam
Sentence: 9    
ayaṃ devāya janmana ity ārbʰavaṃ jātavat
   
saptame 'hani saptamasyāhno rūpam
Sentence: 10    
ā yāhī vanasā saheti dvipadāḥ śaṃsati.
   
dvipād vai puruṣaś catuṣpādāḥ paśavaḥ paśavaś cʰandomāḥ,
   
paśūnām avaruddʰyai.
   
tad yad dvipadāḥ śaṃsati,
   
yajamānam eva tad dvipratiṣṭhaṃ catuṣpātsu paśuṣu pratiṣṭhāpayaty
Sentence: 11    
aibʰir agne duvo gira iti vaiśvadevam.
   
eti saptame 'hani saptamasyāhno rūpaṃ
Sentence: 12    
tāny u gāyatrāṇi.
   
gāyatratr̥tīyasavana eṣa tryaho
Sentence: 13    
vaiśvānaro ājījanad ity āgnimārutasya pratipaj.
   
jātavat saptame 'hani saptamasyāhno rūpam
Sentence: 14    
pra yat vas triṣṭubʰam iṣam iti mārutam.
   
preti saptame 'hani saptamasyāhno rūpaṃ
Sentence: 15    
jātavedase sunavāma somam iti jātavedasyācyutā
Sentence: 16    
dūtaṃ vo viśvavedasam iti jātavedasyam
   
aniruktaṃ saptame 'hani saptamasyāhno rūpaṃ
Sentence: 17    
tāny u gāyatrāni.
   
gāyatratr̥tīyasavana eṣa tryahaḥ



Next part



This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.