TITUS
Rg-Veda: Aitareya-Brahmana
Part No. 182
Previous part

Paragraph: 29 


Sentence: 1    Vr̥ṣaśuṣmo ha Vātāvata uvāca Jātūkarṇyo:
   
vaktā smo vā idaṃ devebʰyo,
   
yad vai tad agnihotram ubʰayedyur ahūyatānyedur vāva tad etarhi hūyata ity
Sentence: 2    
etad u ՚2 hovāca= kumārī gandʰarvagr̥hītā:
   
vaktā smo vā idam pitr̥bʰyo,
   
yad vai tad agnihotram ubʰayedyur ahūyatānyedur vāva tad etarhi hūyata ity
Sentence: 3    
etad vā agnihotram anyedyur hūyate,
   
yad astamite sāyaṃ juhoty anudite prātar.
   
atʰaitad agnihotram ubʰayedyur hūyate,
   
yad astamite sāyaṃ juhoty udite prātas
Sentence: 4    
tasmād udite hotavyaṃ
Sentence: 5    
caturviṃśe ha vai saṃvatsare 'nuditahomi
   
gāyatrīlokam āpnoti dvādaśa udītahomi.
   
sa yadā dvau saṃvatsarāv anudite juhoty atʰa hāsyaiko huto bʰavaty,
   
atʰa ya udile juhoti saṃvatsareṇaiva saṃvatsaram āpnoti
   
ya evaṃ vidvān udite juhoti.
   
tasmād udite hotavyam
Sentence: 6    
eṣa ha vā ahorātrayos tejasi juhoti yo 'stamite sāyaṃ juhoty udite prātar.
   
Agninā vai tejasā rātris tejasvaty, Ādityena tejasāhas tejasvad
Sentence: 7    
ahorātrayor hāsya tejasi hutam bʰavati ya evaṃ vidvān udite juhoti
Sentence: 8    
tasmād udite hotavyam



Next part



This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.