TITUS
Rg-Veda: Aitareya-Brahmana
Part No. 183
Previous part

Paragraph: 30 


Sentence: 1    ete ha vai saṃvatsarasya cakre yad ahorātre,
   
tābʰyām eva tat saṃvatsaram eti sa yo 'nudite juhoti,
   
yatʰaikataścakreṇa yāyāt tādr̥k tad.
   
atʰa ya udite juhoti,
   
yatʰobʰayataścakreṇa yān kṣipram adʰvānaṃ samaśnvīta tādr̥k tat
Sentence: 2    
tad eṣābʰi yajñagātʰā gīyate


Sentence: 3       
br̥hadratʰaṃtarābʰyām idam eti yuktaṃ
      
yad bʰūtaṃ bʰaviṣyac cāpi sarvam \
      
tābʰyām iyād agnīn ādʰāya dʰīro
      
divaivānyaj juhuyān naktam anyad


      
iti
Sentence: 4    
rātʰamtarī vai rātry, ahar bārhatam.
   
Agnir vai ratʰaṃtaram Ādityo br̥had,
   
ete ha vā enaṃ devate bradʰnasya viṣṭapaṃ svargaṃ lokaṃ gamayato
   
ya evaṃ vidvān udite juhoti.
   
tasmād udite hotavyaṃ
Sentence: 5    
tad eṣābʰi yajñagātʰā gīyate


Sentence: 6 
      
yatʰā ha vā stʰūriṇaikena yāyād
      
akr̥tvānyad upayojanāya \
      
evaṃ yanti te bahavo janāsaḥ
      
purodayāj juhvati ye 'gnihotram


      
iti
Sentence: 7    
tāṃ vā etāṃ devatām prayatīṃ sarvam idam anupraiti
   
yad idaṃ kiṃcaitasyai hīdaṃ devatāyā anucaraṃ sarvaṃ
   
yad idaṃ kiṃca, saiṣānucaravatī devatā
Sentence: 8    
vindate ha vā anucaram, bʰavaty asyānucaro ya evaṃ veda
Sentence: 9    
sa vā eṣa ekātitʰiḥ, sa eṣa juhvatsu vasati
Sentence: 10    
tad yad ado gātʰā bʰavaty


Sentence: 11 
      
anenasam enasā so 'bʰiśastād
      
enasvato vāpaharād enaḥ
      
ekātitʰim apa sāyaṃ ruṇaddʰi
      
bisāni steno apa so jahārety


Sentence: 12    
eṣa ha vai sa ekātitʰiḥ, sa eṣa juhvatsu vasaty.
   
etaṃ vāva sa devatām aparuṇaddʰi,
   
yo 'lam agnihotrāya san nāgnihotraṃ juhoti.
   
tam eṣā devatāparoddʰāparuṇaddʰy asmāc ca lokād amuṣmāc cobʰābʰyāṃ,
   
yo 'lam agnihotrāya san nāgnihotraṃ juhoti
Sentence: 13    
tasmād yo 'lam agnihotrāya syāj juhuyāt
Sentence: 14    
tasmād āhur:
   
na sāyam atitʰir aparudʰya ity
Sentence: 15    
etad dʰa sma vai tad vidvān Nagarī Jānaśruteya
   
uditahominam Aikādaśākṣam Mānutantavyam uvāca:
   
prajāyām enaṃ vijñātā smo yadi vidvān vā juhoty avidvān veti.
   
tasyo haikādaśākṣe rāṣṭram iva prajā babʰūva.
   
rāṣṭram iva ha vā asya prajā bʰavati ya evaṃ vidvān udite juhoti.
   
tasmād udite hotavyam



Next part



This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.