TITUS
Rg-Veda: Aitareya-Brahmana
Part No. 187
Previous part

Paragraph: 34 


Sentence: 1    tad āhur:
   
yad grahān me 'grahīt prācārīn ma āhutīr me 'hauṣīd ity
   
adʰvaryave dakṣiṇā nīyanta, udagāsīn ma ity udgātre,
   
'nvavocan me 'śaṃsīn me 'yākṣīn ma iti hotre:
   
kiṃ svid eva cakruṣe brahmaṇe dakṣiṇā nīyante,
   
'kr̥tvāho svid eva harantā iti
Sentence: 2    
yajñasya haiṣa bʰiṣag yad brahmā,
   
yajñāyaiva tad bʰeṣajaṃ kr̥tvā haraty
Sentence: 3    
atʰo yad bʰūyiṣṭhenaiva brahmaṇā cʰandasāṃ rasenārtvijyaṃ karoti
   
yad brahmā, tasmād brahmā,rdʰabʰāg gʰa
   
vā eṣa itareṣām r̥tvijām agra āsa
   
yad brahmā,rdʰam eva brahmaṇa āsārdʰam itareṣām r̥tvijāṃ
Sentence: 4    
tasmād yadi yajña r̥kta ārtiḥ syād yadi yajuṣṭo yadi sāmato
   
yady avijñātā sarvavyāpad vā, brahmaṇa eva nivedayante.
   
tasmād yadi yajña r̥kta ārtir bʰavati,
   
bʰūr iti brahmā gārhapatye juhuyād;
   
yadi yajuṣṭo, bʰuva ity āgnīdʰrīye 'nvāhāryapacane vā haviryajñeṣu;
   
yadi sāmataḥ, svar ity āhavanīye;
   
yady avijñātā sarvavyāpad vā,
   
bʰūr bʰuvaḥ svar iti sarvā anudrutyāhavanīya eva juhuyat
Sentence: 5    
sa prastotopākr̥te stotra āha:
   
brahman stoṣyāmaḥ praśāstar iti.
   
sa bʰūr iti brahmā prātaḥsavane brūyād, indravantaḥ studʰvam iti,
   
bʰuva iti mādʰyaṃdine savane brūyād, indravantaḥ studʰvam iti;
   
svar iti tr̥tīyasavane brūyād, indravantaḥ studʰvam iti;
   
bʰūr bʰuvaḥ svar ity uktʰe vātirātre vā brūyād, indravantaḥ studʰvam iti
Sentence: 6    
sa yad āhendravantaḥ studʰvam ity, aindro vai yajña,
   
Indro yajñasya devatā.
   
sendram eva tad udgītʰaṃ karotīndrān mā gād, indravantaḥ studʰvam iti
   
evaināṃs tad āha tad āha




Next part



This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.