TITUS
Rg-Veda: Aitareya-Brahmana
Part No. 188
Previous part

Chapter: 6 
pañcikā 6
Paragraph: 1 
adʰyāya 26, kʰaṇḍaḥ 1-3


Sentence: 1    devā ha vai sarvacarau satraṃ niṣedus, te ha pāpmānaṃ nāpajagʰnire.
   
tān hovācārbudaḥ Kādraveyaḥ sarpar̥ṣir mantrakr̥d:
   
ekā vai vo hotrākr̥tā, tāṃ vo 'haṃ karavāṇy,
   
atʰa pāpmānam apahaniṣyadʰva iti.
   
te ha tatʰety ūcus.
   
teṣāṃ ha sma sa madʰyaṃdine-madʰyaṃdina ՚2 evopodāsarpan,
   
grāvṇo 'bʰiṣṭauti
Sentence: 2    
tasmān madʰyaṃdinemadʰyaṃdina eva grāvṇo 'bʰiṣṭuvanti tadanukr̥ti
Sentence: 3    
sa ha ՚2 <sma> yenopodāsarpat,
   
tad dʰāpy etarhy Arbudodāsarpaṇī nāma prapad asti
Sentence: 4    
tān ha rājā madayāṃ cakāra, te hocur:
   
āśīviṣo vai no rājānam avekṣate,
   
hantāsyoṣṇīṣeṇākṣyāv apinahyāmeti. tatʰeti.
   
tasya hoṣṇīṣeṇakṣyāv ՚1 apinehus,
   
tasmād uṣṇīṣam eva paryasya grāvṇo 'bʰiṣṭuvanti tadanukr̥ti
Sentence: 5    
tān ha rājā madayām eva cakāra, te hocuḥ:
   
svena vai no mantreṇa grāvṇo 'bʰiṣṭautīti,
   
hantāsyānyābʰir r̥gbʰir mantram āpr̥nacāmeti. tatʰeti.
   
tasya hānyābʰir r̥gbʰir mantram āpapr̥cus, tato hainān na madayāṃ cakāra.
   
tad yad asyānyābʰir r̥gbʰir mantram āpr̥ñcanti, śāntyā eva
Sentence: 6    
te ha pāpmānam apajagʰnire.
   
teṣām anv apahatiṃ sarpāḥ pāpmānam apajagʰnire,
   
ta ete 'pahatapāpmāno hitvā pūrvāṃ jīrṇāṃ tvacaṃ navayaiva prayanty
Sentence: 7    
apa pāpmānaṃ hate ya evaṃ veda



Next part



This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.