TITUS
Rg-Veda: Aitareya-Brahmana
Part No. 190
Previous part

Paragraph: 3 


Sentence: 1    vāg vai subrahmaṇyā, tasyai somo rājā vatsah.
   
some rājani krīte subrahmaṇyām āhvayanti yatʰā dʰenum upahvayet,
   
tena vatsena yajamānāya sarvān kāmān duhe
Sentence: 2    
sarvān hāsmai kāmān vāg duhe ya evaṃ veda
Sentence: 3    
tad āhuḥ:
   
kiṃ subrahmaṇyāyai subrahmaṇyātvam iti.
   
vāg eveti brūyād, vāg vai brahma ca subrahma ceti
Sentence: 4    
tad āhur:
   
atʰa kasmād enam pumāṃsaṃ santaṃ strīm ivācakṣata iti.
   
vāg gʰi subrahmaṇyeti brūyāt, teneti
Sentence: 5    
tad āhur:
   
yad antarvedītara r̥tvija ārtvijyaṃ kurvanti bahirvedi subrahmaṇyā,
   
katʰam asyāntarvedy ārtvijyaṃ kr̥tam bʰavatīti.
   
veder vā utkaram utkiranti;
   
yad evotkare tiṣṭhann āhvayatīti brūyāt, teneti
Sentence: 6    
tad āhur:
   
atʰa kasmād utkare tiṣṭhan subrahmaṇyām āhvayatīty.
   
r̥ṣayo vai satram āsata.
   
teṣāṃ yo varṣiṣṭha āsīt tam abruvan:
   
subrahmaṇyām āhvaya, tvaṃ no nediṣṭhād devān hvayiṣyasīti.
   
varṣiṣṭham evainaṃ tat kurvanty, atʰo vedim eva tat sarvām prīṇāti
Sentence: 7    
tad āhuḥ:
   
kasmād asmā r̥ṣabʰaṃ dakṣiṇām abʰyājantīti.
   
vr̥ṣā vā r̥ṣabʰo yoṣā subrahmaṇyā tan mitʰunaṃ,
   
tasya mitʰunasya prajātyā ity
Sentence: 8    
upāṃśu pātnīvatasyāgnidʰro yajati.
   
reto vai pātnīvata, upāṃśv iva vai retasaḥ siktir
Sentence: 9    
nānuvaṣaṭkaroti.
   
saṃstʰā vā eṣā yad anuvaṣaṭkāro:
   
ned retaḥ saṃstʰāpayānīty.
   
asaṃstʰitaṃ vai retasaḥ samr̥ddʰaṃ.
   
tasmān nānuvaṣaṭkaroti
Sentence: 10    
neṣṭur upastʰa āsīno bʰakṣayati.
   
pantībʰājanaṃ vai neṣṭāgniḥ patnīṣu reto dadʰāti prajātyā,
   
Agninaiva tat patnīṣu reto dadʰāti prajātyai
Sentence: 11    
prajāyate prajayā paśubʰir ya evaṃ veda
Sentence: 12    
dakṣiṇā anu subrahmaṇyā saṃtiṣṭhate.
   
vāg vai subrahmaṇyānnaṃ dakṣiṇānnādya eva
   
tad vāci yajñam antataḥ pratiṣṭhāpayanti pratiṣṭhāpayanti



Next part



This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.