TITUS
Rg-Veda: Aitareya-Brahmana
Part No. 206
Previous part

Paragraph: 19 


Sentence: 1    tato vā etāṃs trīn sampātān maitrāvaruṇo
   
viparyāsam ekaikam ahar-ahaḥ śaṃsaty
Sentence: 2    
evā tvām indra vajrinn atreti pratʰame 'hani,
   
yan na indro jujuṣe yac ca vaṣṭīti dvitīye,
   
katʰā mahām avr̥dʰat kasya hotur iti tr̥tīye
Sentence: 3    
trīn eva sampātān brāhmaṇāccʰaṃsī
   
viparyāsam ekaikam ahar-ahaḥ śaṃsatī,ndraḥ
   
pūrbʰid ātirad dāsam arkair iti pratʰame 'hani,
   
ya eka id dʰavyaś carṣaṇīnām iti dvitīye,
   
yas tigmaśr̥ṅgo vr̥ṣabʰo na bʰīma iti tr̥tīye
Sentence: 4    
trīn eva sampātān acʰāvāko
   
viparyāsam ekaikam ahar-ahaḥ śaṃsatī,mām
   
ū ṣu prabʰr̥tiṃ sātaye dʰā iti pratʰame 'hanī,cʰanti
   
tvā somyāsaḥ sakʰāya iti dvitīye,
   
śāsad vahnir duhitur naptyaṃ gād iti tr̥tīye
Sentence: 5    
tāni vā etāni nava
Sentence: 6    
trīṇi cāharahaḥśasyāni
Sentence: 7    
tāni dvādaśa sampadyante:
   
dvādaśa vai māsāḥ saṃvatsaraḥ, saṃvatsaraḥ Prajāpatiḥ, Prajāpatir yajñas.
   
tat saṃvatsaram Prajāpatiṃ yajñam āpnuvanti,
   
tat saṃvatsare Prajāpatau yajñe 'har-ahaḥ pratitiṣṭhanto yanti
Sentence: 8    
tāny antareṇāvāpam āvaperann
Sentence: 9    
anyūṅkʰyā virājo vaimadīś caturtʰe 'hani,
   
paṅktīḥ pañcame, pāruccʰepīḥ ṣaṣṭhe
Sentence: 10    
'tʰa yāny ahāni mahāstomāni syuḥ:
   
ko adya naryo devakāma iti maitrāvaruṇa āvapeta,
   
vane na vā yo ny adʰāyi cākann iti brāhmaṇāccʰaṃsy,
   
ā yāhy arvāṅ upa vandʰureṣṭhā ity acʰāvāka
Sentence: 11    
etāni vā āvapanāny.
   
etair vā āvapanair devāḥ svargam lokam ajayann etair r̥ṣayas.
   
tatʰaivaitad yajamānā etair āvapanaiḥ svargaṃ lokaṃ jayanti



Next part



This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.