TITUS
Rg-Veda: Aitareya-Brahmana
Part No. 207
Previous part

Paragraph: 20 


Sentence: 1    sadyo ha jāto vr̥ṣabʰaḥ kanīna iti maitrāvarunaḥ
   
purastāt sūktānām ahar-ahaḥ śaṃsati
Sentence: 2    
tad etat sūktāṃ svargyam.
   
etena vai sūktena devāḥ svargaṃ lokam ajayann etena r̥ṣayas.
   
tatʰaivaitad yajamānā etena sūktena svargaṃ lokaṃ jayanti
Sentence: 3    
tad u vaiśvāmitraṃ.
   
viśvasya ha vai mitraṃ Viśvāmitra āsa
Sentence: 4    
viśvaṃ hāsmai mitram bʰavati ya evaṃ veda yeṣāṃ
   
caivaṃ vidvān etan maitrāvaruṇaḥ purastāt sūktānām ahar-ahaḥ śaṃsati
Sentence: 5    
tad r̥ṣabʰavat paśumad bʰavati, paśūnām avaruddʰyai
Sentence: 6    
tat pañcarcam bʰavati.
   
pañcapadā paṅktiḥ, paṅktir vā annam, annādyasyāvaruddʰyā
Sentence: 7    
ud u brahmāṇy airata śravasyeti brāhmaṇāccʰaṃsī brahmaṇvat
   
samr̥ddʰaṃ sūktam ahar-ahaḥ śaṃsati
Sentence: 8    
tad etat sūktaṃ svargyām.
   
etena vai sūktena devāḥ svargaṃ lokam ajayann etena r̥ṣayas.
   
tatʰaivaitad yajamānā etena sūktena svargaṃ lokaṃ jayanti
Sentence: 9    
tad u vāsiṣṭham.
   
etena vai Vasiṣṭha Indrasya priyaṃ dʰāmopāgacʰat, sa paramaṃ lokam ajayad
Sentence: 10    
upendrasya priyaṃ lokaṃ gacʰati, jayati paramaṃ lokaṃ ya evaṃ veda
Sentence: 11    
tad vai ṣaḷr̥caṃ. ṣaḍ vā r̥tava, r̥tūnām āptyai
Sentence: 12    
tad upariṣṭāt sampātānāṃ śaṃsaty.
   
āptvaiva tat svargaṃ lokaṃ yajamānā asmim̐l loke pratitiṣṭhanty
Sentence: 13    
abʰi taṣṭeva dīdʰayā manīṣām ity acʰāvāko 'har-ahaḥ śaṃsaty
   
abʰivat tatyai rūpam
Sentence: 14    
abʰi priyāṇi marmr̥śat parāṇīti.
   
yāny eva parāṇy ahāni tāni priyāṇi,
   
tāny eva tad abʰimarmr̥śato yanty abʰyārabʰamāṇāḥ.
   
paro vā asmāl lokāt svargo lokas, tam eva tad abʰivadati
Sentence: 15    
kavīm̐r icʰāmi saṃdr̥śe sumedʰā iti
Sentence: 16    
ye vai te na r̥ṣayaḥ pūrve pretās te vai kavayas,
   
tān eva tad abʰyativadati
Sentence: 17    
tad u vaiśvamitraṃ.
   
viśvasya ha vai mitraṃ Viśvāmitra āsa.
   
viśvaṃ hāsmai mitram bʰavati ya evaṃ veda
Sentence: 18    
tad aniruktam prājāpātyaṃ śaṃsaty.
   
anirukto vai Prajāpatiḥ, Prajāpater āptyai
Sentence: 19    
sakr̥d Indraṃ nirāha, tenaindrād rūpān na pracyavate
Sentence: 20    
tad vai daśarcaṃ.
   
daśākṣarā virāḷ, annaṃ virāḷ, annādyasyāvaruddʰyai
Sentence: 21    
yad eva daśarcā+m \ daśa vai prāṇāḥ, prāṇān eva tad āpnuvanti,
   
prāṇān ātman dadʰate
Sentence: 22    
tad upariṣṭāt sampātānāṃ śaṃsaty.
   
՚6 āptvaiva tat svargaṃ lokaṃ yajamānā asmim̐l loke pratitiṣṭhanti



Next part



This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.