TITUS
Rg-Veda: Aitareya-Brahmana
Part No. 208
Previous part

Paragraph: 21 


Sentence: 1    kas tam indra tvāvasuṃ, kan navyo atasīnāṃ,
   
kad ū nv asyākr̥tam iti kadvantaḥ pragātʰā ārambʰaṇīyā ahar-ahaḥ śasyante
Sentence: 2    
ko vai Prajāpatiḥ, Prajāpater āptyai
Sentence: 3    
yad eva kadvantā+ḥ \ annaṃ vai kam, annādyasyāvaruddʰyai
Sentence: 4    
yad v eva kadvantā+ḥ \
   
ahar-ahar vā ete śāntāny ahīnasūktāny upayuñjānā yanti,
   
tāni kadvadbʰiḥ pragātʰaiḥ śamayanti.
   
tāny ebʰyaḥ śāntāni kam bʰavanti,
   
tāny enāñ cʰāntāni svargaṃ lokam abʰi vahanti
Sentence: 5    
triṣṭubʰaḥ sūktapratipadaḥ śaṃseyus
Sentence: 6    
tā haike purastāt pragātʰānāṃ śaṃsanti dʰāyyā iti vadantas
Sentence: 7    
tat tatʰā na kuryāt
Sentence: 8    
kṣatraṃ vai hotā viśo hotrāśaṃsinaḥ,
   
kṣatrāyaiva tad viśam pratyudyāminīṃ kuryuḥ, pāpavasyasaṃ
Sentence: 9    
triṣṭubʰo ma imāḥ sūktapratipada ity eva vidyāt
Sentence: 10    
tad yatʰā samudram praplaverann,
   
evaṃ haiva te praplavante ve saṃvatsaraṃ vā dvādaśāhaṃ vāsate.
   
tad yatʰā sairāvatīṃ nāvam pārakāmāḥ samāroheyor,
   
evam evaitās triṣṭubʰaḥ samārohanti
Sentence: 11    
na ha vā etac cʰando gamayitva svargaṃ lokam upāvartate, vīryavattamaṃ hi
Sentence: 12    
tābʰyo na vyāhvayīta, samānaṃ hi cʰando, 'tʰo ned dʰāyyāḥ karavāṇīti
Sentence: 13    
yad enāḥ śaṃsanti:
   
prajñātābʰiḥ sūktapratipadbʰiḥ sūktāni samārohāmeti
Sentence: 14    
yad evaināḥ śaṃsantīndram evaitābʰir nihvayante, yatʰa r̥ṣabʰaṃ vāśitāyai.
   
yad v evaināḥ śaṃsanty, ahīnasya saṃtatyā, ahīnam eva tat saṃtanvanti



Next part



This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.