TITUS
Rg-Veda: Rg-Veda-Samhita
Part No. 14
Previous part

Hymn: 14 
Verse: 1 
Halfverse: a    aíbʰir agne dúvo gíro víśvebʰiḥ sómapītaye /
   aíbʰir agne dúvo gíro
   ā́ ebʰiḥ agne dúvaḥ gíraḥ
   aíbʰir agne dúvo gíro

Halfverse: b    víśvebʰiḥ sómapītaye /
   víśvebʰiḥ sómapītaye /
   víśvebʰiḥ sómapītaye /

Halfverse: c    devébʰir yāhi yákṣi ca //
   devébʰir yāhi yákṣi ca //
   devébʰiḥ yāhi yákṣi ca //
   devébʰir yāhi yákṣi ca //


Verse: 2 
Halfverse: a    ā́ tvā káṇvā ahūṣata gr̥ṇánti vipra te dʰíyaḥ /
   ā́ tvā káṇvā ahūṣata
   ā́ tvā káṇvāḥ ahūṣata
   ā́ tvā káṇvā ahūṣata

Halfverse: b    gr̥ṇánti vipra te dʰíyaḥ /
   gr̥ṇánti vipra te dʰíyaḥ /
   gr̥ṇánti vipra te dʰíyaḥ /

Halfverse: c    devébʰir agna ā́ gahi //
   devébʰir agna ā́ gahi //
   devébʰiḥ agne ā́ gahi //
   devébʰir agna ā́ gahi //


Verse: 3 
Halfverse: a    indravāyū́ bŕ̥haspátim mitrā́gním pūṣáṇam bʰágam /
   indravāyū́ bŕ̥haspátim
   indravāyū́ bŕ̥haspátim
   indravāyū́ bŕ̥haspátim

Halfverse: b    mitrā́gním pūṣáṇam bʰágam /
   mitrā́ agním pūṣáṇam bʰágam /
   mitrā́gním pūṣáṇam bʰágam /

Halfverse: c    ādityā́n mā́rutaṃ gaṇám //
   ādityā́n mā́rutaṃ gaṇám //
   ādityā́n mā́rutam gaṇám //
   ādityā́n mā́rutaṃ gaṇám //


Verse: 4 
Halfverse: a    prá vo bʰriyanta índavo matsarā́ mādayiṣṇávaḥ /
   prá vo bʰriyanta índavo
   prá vaḥ bʰriyante índavaḥ
   prá vo bʰriyanta índavo

Halfverse: b    matsarā́ mādayiṣṇávaḥ /
   matsarā́ḥ mādayiṣṇávaḥ /
   matsarā́ mādayiṣṇávaḥ /

Halfverse: c    drapsā́ mádʰvaś camūṣádaḥ //
   drapsā́ mádʰvaś camūṣádaḥ //
   drapsā́ḥ mádʰvaḥ camūṣádaḥ //
   drapsā́ mádʰvaś camūṣádaḥ //


Verse: 5 
Halfverse: a    ī́ḷate tvā́m avasyávaḥ káṇvāso vr̥ktábarhiṣaḥ /
   ī́ḷate tvā́m avasyávaḥ
   ī́ḷate tvā́m avasyávaḥ
   ī́ḷate tvā́m avasyávaḥ

Halfverse: b    káṇvāso vr̥ktábarhiṣaḥ /
   káṇvāsaḥ vr̥ktábarhiṣaḥ /
   káṇvāso vr̥ktábarhiṣaḥ /

Halfverse: c    havíṣmanto araṃkŕ̥taḥ //
   havíṣmanto araṃkŕ̥taḥ //
   havíṣmantaḥ araṃkŕ̥taḥ //
   havíṣmanto araṃkŕ̥taḥ //


Verse: 6 
Halfverse: a    gʰr̥tápr̥ṣṭʰā manoyújo yé tvā váhanti váhnayaḥ /
   gʰr̥tápr̥ṣṭʰā manoyújo
   gʰr̥tápr̥ṣṭʰāḥ manoyújaḥ
   gʰr̥tápr̥ṣṭʰā manoyújo

Halfverse: b    yé tvā váhanti váhnayaḥ /
   yé tvā váhanti váhnayaḥ /
   yé tvā váhanti váhnayaḥ /

Halfverse: c    ā́ devā́n sómapītaye //
   ā́ devā́n sómapītaye //
   ā́ devā́n sómapītaye //
   ā́ devā́n sómapītaye //


Verse: 7 
Halfverse: a    tā́n yájatrām̐ r̥tāvŕ̥dʰó 'gne pátnīvatas kr̥dʰi /
   tā́n yájatrām̐ r̥tāvŕ̥dʰó
   tā́n yájatrān r̥tāvŕ̥dʰaḥ
   tā́n yájatrām̐ r̥tāvŕ̥dʰo

Halfverse: b    'gne pátnīvatas kr̥dʰi /
   ágne pátnīvataḥ kr̥dʰi /
   ágne pátnīvatas kr̥dʰi /

Halfverse: c    mádʰvaḥ sujihva pāyaya //
   mádʰvaḥ sujihva pāyaya //
   mádʰvaḥ sujihva pāyaya //
   mádʰvaḥ sujihva pāyaya //


Verse: 8 
Halfverse: a    yé yájatrā yá ī́ḍyās té te pibantu jihváyā /
   yé yájatrā yá ī́ḍyās
   yé yájatrāḥ yé ī́ḍyāḥ
   yé yájatrā yá ī́ḍiyās

Halfverse: b    té te pibantu jihváyā /
   té te pibantu jihváyā /
   té te pibantu jihváyā /

Halfverse: c    mádʰor agne váṣaṭkr̥ti //
   mádʰor agne váṣaṭkr̥ti //
   mádʰoḥ agne váṣaṭkr̥ti //
   mádʰor agne váṣaṭkr̥ti //


Verse: 9 
Halfverse: a    ā́kīṃ sū́ryasya rocanā́d víśvān devā́m̐ uṣarbúdʰaḥ /
   ā́kīṃ sū́ryasya rocanā́d
   ā́kīm sū́ryasya rocanā́t
   ā́kīṃ sū́ryasya rocanā́d

Halfverse: b    víśvān devā́m̐ uṣarbúdʰaḥ /
   víśvān devā́n uṣarbúdʰaḥ /
   víśvān devā́m̐ uṣarbúdʰaḥ /

Halfverse: c    vípro hótehá vakṣati //
   vípro hótehá vakṣati //
   vípraḥ hótā ihá vakṣati //
   vípro hótehá vakṣati //


Verse: 10 
Halfverse: a    víśvebʰiḥ somyám mádʰv ágna índreṇa vāyúnā /
   víśvebʰiḥ somyám mádʰv
   víśvebʰiḥ somyám mádʰu
   víśvebʰiḥ somiyám mádʰu

Halfverse: b    ágna índreṇa vāyúnā /
   ágne índreṇa vāyúnā /
   ágna índreṇa vāyúnā /

Halfverse: c    píbā mitrásya dʰā́mabʰiḥ //
   píbā mitrásya dʰā́mabʰiḥ //
   píba+ mitrásya dʰā́mabʰiḥ //
   píbā mitrásya dʰā́mabʰiḥ //


Verse: 11 
Halfverse: a    tváṃ hótā mánurhitó 'gne yajñéṣu sīdasi /
   tváṃ hótā mánurhitó
   tvám hótā mánurhitaḥ
   tuváṃ hótā mánurhito

Halfverse: b    'gne yajñéṣu sīdasi /
   ágne yajñéṣu sīdasi /
   ágne yajñéṣu sīdasi /

Halfverse: c    sémáṃ no adʰvaráṃ yaja //
   sémáṃ no adʰvaráṃ yaja //
   sá imám naḥ adʰvarám yaja //
   sémáṃ no adʰvaráṃ yaja //


Verse: 12 
Halfverse: a    yukṣvā́ hy áruṣī rátʰe haríto deva rohítaḥ /
   yukṣvā́ hy áruṣī rátʰe
   yukṣvá+ hí áruṣīḥ rátʰe
   yukṣvā́ hí áruṣī rátʰe

Halfverse: b    haríto deva rohítaḥ /
   harítaḥ deva rohítaḥ /
   haríto deva rohítaḥ /

Halfverse: c    tā́bʰir devā́m̐ ihā́ vaha //
   tā́bʰir devā́m̐ ihā́ vaha //
   tā́bʰiḥ devā́n ihá ā́ vaha //
   tā́bʰir devā́m̐ ihā́ vaha //


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.