TITUS
Rg-Veda: Rg-Veda-Samhita
Part No. 15
Previous part

Hymn: 15 
Verse: 1 
Halfverse: a    índra sómam píba r̥túnā́ tvā viśantv índavaḥ /
   índra sómam píba r̥túnā_
   índra sómam píba r̥túnā
   índra sómam píba rtúnā

Halfverse: b    _ā́ tvā viśantv índavaḥ /
   ā́ tvā viśantu índavaḥ /
   ā́ tvā viśantu índavaḥ /

Halfverse: c    matsarā́sas tádokasaḥ //
   matsarā́sas tádokasaḥ //
   matsarā́saḥ tádokasaḥ //
   matsarā́sas tádokasaḥ //


Verse: 2 
Halfverse: a    márutaḥ píbata r̥túnā potrā́d yajñám punītana /
   márutaḥ píbata r̥túnā
   márutaḥ píbata r̥túnā
   márutaḥ píbata rtúnā

Halfverse: b    potrā́d yajñám punītana /
   potrā́t yajñám punītana /
   potrā́d yajñám punītana /

Halfverse: c    yūyáṃ hí ṣṭʰā́ sudānavaḥ //
   yūyáṃ hí ṣṭʰā́ sudānavaḥ //
   yūyám hí stʰá+ sudānavaḥ //
   yūyáṃ hí ṣṭʰā́ sudānavaḥ //


Verse: 3 
Halfverse: a    abʰí yajñáṃ gr̥ṇīhi no gnā́vo néṣṭaḥ píba r̥túnā /
   abʰí yajñáṃ gr̥ṇīhi no
   abʰí yajñám gr̥ṇīhi naḥ
   abʰí yajñáṃ gr̥ṇīhi no

Halfverse: b    gnā́vo néṣṭaḥ píba r̥túnā /
   gnā́vaḥ néṣṭar píba r̥túnā /
   gnā́vo néṣṭaḥ píba rtúnā /

Halfverse: c    tváṃ hí ratnadʰā́ ási //
   tváṃ hí ratnadʰā́ ási //
   tvám hí ratnadʰā́ḥ ási //
   tuváṃ hí ratnadʰā́ ási //


Verse: 4 
Halfverse: a    ágne devā́m̐ ihā́ vaha sādáyā yóniṣu triṣú /
   ágne devā́m̐ ihā́ vaha
   ágne devā́n ihá ā́ vaha
   ágne devā́m̐ ihā́ vaha

Halfverse: b    sādáyā yóniṣu triṣú /
   sādáya+ yóniṣu triṣú /
   sādáyā yóniṣu triṣú /

Halfverse: c    pári bʰūṣa píba r̥túnā //
   pári bʰūṣa píba r̥túnā //
   pári bʰūṣa píba r̥túnā //
   pári bʰūṣa píba rtúnā //


Verse: 5 
Halfverse: a    brā́hmaṇād indra rā́dʰasaḥ píbā sómam r̥tū́m̐r ánu /
   brā́hmaṇād indra rā́dʰasaḥ
   brā́hmaṇāt indra rā́dʰasaḥ
   brā́hmaṇād indra rā́dʰasaḥ

Halfverse: b    píbā sómam r̥tū́m̐r ánu /
   píba+ sómam r̥tū́n ánu /
   píbā sómam r̥tū́m̐r ánu /

Halfverse: c    távéd dʰí sakʰyám ástr̥tam //
   távéd dʰí sakʰyám ástr̥tam //
   táva ít hí sakʰyám ástr̥tam //
   távéd dʰí sakʰyám ástr̥tam //


Verse: 6 
Halfverse: a    yuváṃ dákṣaṃ dʰr̥tavrata mítrāvaruṇa dūḷábʰam /
   yuváṃ dákṣaṃ dʰr̥tavrata
   yuvám dákṣam dʰr̥tavratā=
   yuváṃ dákṣaṃ dʰr̥tavrata

Halfverse: b    mítrāvaruṇa dūḷábʰam /
   mítrāvaruṇā= dūḷábʰam /
   mítrāvaruṇa dūḷábʰam /

Halfverse: c    r̥túnā yajñám āśātʰe //
   r̥túnā yajñám āśātʰe //
   r̥túnā yajñám āśātʰe //
   r̥túnā yajñám āśatʰe* //


Verse: 7 
Halfverse: a    draviṇodā́ dráviṇaso grā́vahastāso adʰvaré /
   draviṇodā́ dráviṇaso
   draviṇodā́ḥ dráviṇasaḥ
   draviṇodā́ dráviṇaso

Halfverse: b    grā́vahastāso adʰvaré /
   grā́vahastāsaḥ adʰvaré /
   grā́vahastāso adʰvaré /

Halfverse: c    yajñéṣu devám īḷate //
   yajñéṣu devám īḷate //
   yajñéṣu devám īḷate //
   yajñéṣu devám īḷate //


Verse: 8 
Halfverse: a    draviṇodā́ dadātu no vásūni yā́ni śr̥ṇviré /
   draviṇodā́ dadātu no
   draviṇodā́ḥ dadātu naḥ
   draviṇodā́ dadātu no

Halfverse: b    vásūni yā́ni śr̥ṇviré /
   vásūni yā́ni śr̥ṇviré /
   vásūni yā́ni śr̥ṇviré /

Halfverse: c    devéṣu tā́ vanāmahe //
   devéṣu tā́ vanāmahe //
   devéṣu tā́ vanāmahe //
   devéṣu tā́ vanāmahe //


Verse: 9 
Halfverse: a    draviṇodā́ḥ pipīṣati juhóta prá ca tiṣṭʰata /
   draviṇodā́ḥ pipīṣati
   draviṇodā́ḥ pipīṣati
   draviṇodā́ḥ pipīṣati

Halfverse: b    juhóta prá ca tiṣṭʰata /
   juhóta prá ca tiṣṭʰata /
   juhóta prá ca tiṣṭʰata /

Halfverse: c    neṣṭrā́d r̥túbʰir iṣyata //
   neṣṭrā́d r̥túbʰir iṣyata //
   neṣṭrā́t r̥túbʰiḥ iṣyata //
   neṣṭrā́d r̥túbʰir iṣyata //


Verse: 10 
Halfverse: a    yát tvā turī́yam r̥túbʰir dráviṇodo yájāmahe /
   yát tvā turī́yam r̥túbʰir
   yát tvā turī́yam r̥túbʰiḥ
   yát tvā turī́yam r̥túbʰir

Halfverse: b    dráviṇodo yájāmahe /
   dráviṇodaḥ yájāmahe /
   dráviṇodo yájāmahe /

Halfverse: c    ádʰa smā no dadír bʰava //
   ádʰa smā no dadír bʰava //
   ádʰa sma+ naḥ dadíḥ bʰava //
   ádʰa smā no dadír bʰava //


Verse: 11 
Halfverse: a    áśvinā píbatam mádʰu dī́dyagnī śucivratā /
   áśvinā píbatam mádʰu
   áśvinā píbatam mádʰu
   áśvinā píbatam mádʰu

Halfverse: b    dī́dyagnī śucivratā /
   dī́dyagnī śucivratā /
   dī́diagnī śucivratā /

Halfverse: c    r̥túnā yajñavāhasā //
   r̥túnā yajñavāhasā //
   r̥túnā yajñavāhasā //
   r̥túnā yajñavāhasā //


Verse: 12 
Halfverse: a    gā́rhapatyena santya r̥túnā yajñanī́r asi /
   gā́rhapatyena santya
   gā́rhapatyena santya
   gā́rhapatyena santiya

Halfverse: b    r̥túnā yajñanī́r asi /
   r̥túnā yajñanī́ḥ asi /
   r̥túnā yajñanī́r asi /

Halfverse: c    devā́n devayaté yaja //
   devā́n devayaté yaja //
   devā́n devayaté yaja //
   devā́n devayaté yaja //


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.