TITUS
Rg-Veda: Rg-Veda-Samhita
Part No. 16
Previous part

Hymn: 16 
Verse: 1 
Halfverse: a    ā́ tvā vahantu hárayo vŕ̥ṣaṇaṃ sómapītaye /
   ā́ tvā vahantu hárayo
   ā́ tvā vahantu hárayaḥ
   ā́ tvā vahantu hárayo

Halfverse: b    vŕ̥ṣaṇaṃ sómapītaye /
   vŕ̥ṣaṇam sómapītaye /
   vŕ̥ṣaṇaṃ sómapītaye /

Halfverse: c    índra tvā sū́racakṣasaḥ //
   índra tvā sū́racakṣasaḥ //
   índra tvā sū́racakṣasaḥ //
   índra tvā sū́racakṣasaḥ //


Verse: 2 
Halfverse: a    imā́ dʰānā́ gʰr̥tasnúvo hárī ihópa vakṣataḥ /
   imā́ dʰānā́ gʰr̥tasnúvo
   imā́ḥ dʰānā́ḥ gʰr̥tasnúvaḥ
   imā́ dʰānā́ gʰr̥tasnúvo

Halfverse: b    hárī ihópa vakṣataḥ /
   hárī ihá úpa vakṣataḥ /
   hárī ihópa vakṣataḥ /

Halfverse: c    índraṃ sukʰátame rátʰe //
   índraṃ sukʰátame rátʰe //
   índram sukʰátame rátʰe //
   índraṃ sukʰátame rátʰe //


Verse: 3 
Halfverse: a    índram prātár havāmaha índram prayaty àdʰvaré /
   índram prātár havāmaha
   índram prātár havāmahe
   índram prātár havāmaha

Halfverse: b    índram prayaty àdʰvaré /
   índram prayatí adʰvaré /
   índram prayatí adʰvaré /

Halfverse: c    índraṃ sómasya pītáye //
   índraṃ sómasya pītáye //
   índram sómasya pītáye //
   índraṃ sómasya pītáye //


Verse: 4 
Halfverse: a    úpa naḥ sutám ā́ gahi háribʰir indra keśíbʰiḥ /
   úpa naḥ sutám ā́ gahi
   úpa naḥ sutám ā́ gahi
   úpa naḥ sutám ā́ gahi

Halfverse: b    háribʰir indra keśíbʰiḥ /
   háribʰiḥ indra keśíbʰiḥ /
   háribʰir indra keśíbʰiḥ /

Halfverse: c    suté hí tvā hávāmahe //
   suté hí tvā hávāmahe //
   suté hí tvā hávāmahe //
   suté hí tvā hávāmahe //


Verse: 5 
Halfverse: a    sémáṃ na stómam ā́ gahy úpedáṃ sávanaṃ sutám /
   sémáṃ na stómam \!\ ā́ gahy
   sá imám naḥ stómam ā́ gahi
   sémáṃ na stómam ā́ gahi

Halfverse: b    úpedáṃ sávanaṃ sutám /
   úpa idám sávanam sutám /
   úpedáṃ sávanaṃ sutám /

Halfverse: c    gauró ná tr̥ṣitáḥ piba //
   gauró ná tr̥ṣitáḥ piba //
   gauráḥ ná tr̥ṣitáḥ piba //
   gauró ná tr̥ṣitáḥ piba //


Verse: 6 
Halfverse: a    imé sómāsa índavaḥ sutā́so ádʰi barhíṣi /
   imé sómāsa índavaḥ
   imé sómāsaḥ índavaḥ
   imé sómāsa índavaḥ

Halfverse: b    sutā́so ádʰi barhíṣi /
   sutā́saḥ ádʰi barhíṣi /
   sutā́so ádʰi barhíṣi /

Halfverse: c    tā́m̐ indra sáhase piba //
   tā́m̐ indra sáhase piba //
   tā́n indra sáhase piba //
   tā́m̐ indra sáhase piba //


Verse: 7 
Halfverse: a    ayáṃ te stómo agriyó hr̥dispŕ̥g astu śáṃtamaḥ /
   ayáṃ te stómo agriyó
   ayám te stómaḥ agriyáḥ
   ayáṃ te stómo agriyó

Halfverse: b    hr̥dispŕ̥g astu śáṃtamaḥ /
   hr̥dispŕ̥k astu śáṃtamaḥ /
   hr̥dispŕ̥g astu śáṃtamaḥ /

Halfverse: c    átʰā sómaṃ sutám piba //
   átʰā sómaṃ sutám piba //
   átʰa+ sómam sutám piba //
   átʰā sómaṃ sutám piba //


Verse: 8 
Halfverse: a    víśvam ít sávanaṃ sutám índro mádāya gacʰati /
   víśvam ít sávanaṃ sutám
   víśvam ít sávanam sutám
   víśvam ít sávanaṃ sutám

Halfverse: b    índro mádāya gacʰati /
   índraḥ mádāya gacʰati /
   índro mádāya gacʰati /

Halfverse: c    vr̥trahā́ sómapītaye //
   vr̥trahā́ sómapītaye //
   vr̥trahā́ sómapītaye //
   vr̥trahā́ sómapītaye //


Verse: 9 
Halfverse: a    sémáṃ naḥ kā́mam ā́ pr̥ṇa góbʰir áśvaiḥ śatakrato /
   sémáṃ naḥ kā́mam ā́ pr̥ṇa
   sá imám naḥ kā́mam ā́ pr̥ṇa
   sémáṃ naḥ kā́mam ā́ pr̥ṇa

Halfverse: b    góbʰir áśvaiḥ śatakrato /
   góbʰiḥ áśvaiḥ śatakrato /
   góbʰir áśvaiḥ śatakrato /

Halfverse: c    stávāma tvā svādʰyàḥ //
   stávāma tvā svādʰyàḥ //
   stávāma tvā svādʰyàḥ //
   stávāma tvā suādʰíyaḥ //


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.