TITUS
Rg-Veda: Rg-Veda-Samhita
Part No. 20
Previous part

Hymn: 20 
Verse: 1 
Halfverse: a    ayáṃ devā́ya jánmane stómo víprebʰir āsayā́ /
   ayáṃ devā́ya jánmane
   ayám devā́ya jánmane
   ayáṃ devā́ya jánmane

Halfverse: b    stómo víprebʰir āsayā́ /
   stómaḥ víprebʰiḥ āsayā́ /
   stómo víprebʰir āsayā́ /

Halfverse: c    ákāri ratnadʰā́tamaḥ //
   ákāri ratnadʰā́tamaḥ //
   ákāri ratnadʰā́tamaḥ //
   ákāri ratnadʰā́tamaḥ //


Verse: 2 
Halfverse: a    yá índrāya vacoyújā tatakṣúr mánasā hárī /
   yá índrāya vacoyújā
   yé índrāya vacoyújā
   yá índrāya vacoyújā

Halfverse: b    tatakṣúr mánasā hárī /
   tatakṣúḥ mánasā hárī /
   tatakṣúr mánasā hárī /

Halfverse: c    śámībʰir yajñám āśata //
   śámībʰir yajñám āśata //
   śámībʰiḥ yajñám āśata //
   śámībʰir yajñám āśata //


Verse: 3 
Halfverse: a    tákṣan nā́satyābʰyām párijmānaṃ sukʰáṃ rátʰam /
   tákṣan nā́satyābʰyām
   tákṣan nā́satyābʰyām
   tákṣan nā́satiyābʰiyām

Halfverse: b    párijmānaṃ sukʰáṃ rátʰam /
   párijmānam sukʰám rátʰam /
   párijmānaṃ sukʰáṃ rátʰam /

Halfverse: c    tákṣan dʰenúṃ sabardúgʰām //
   tákṣan dʰenúṃ sabardúgʰām //
   tákṣan dʰenúm sabardúgʰām //
   tákṣan dʰenúṃ sabardúgʰām //


Verse: 4 
Halfverse: a    yúvānā pitárā púnaḥ satyámantrā r̥jūyávaḥ /
   yúvānā pitárā púnaḥ
   yúvānā pitárā púnar
   yúvānā pitárā púnaḥ

Halfverse: b    satyámantrā r̥jūyávaḥ /
   satyámantrāḥ r̥jūyávaḥ /
   satyámantrā r̥jūyávaḥ /

Halfverse: c    r̥bʰávo viṣṭy àkrata //
   r̥bʰávo viṣṭy àkrata //
   r̥bʰávaḥ viṣṭī́ akrata //
   r̥bʰávo viṣṭí akrata //


Verse: 5 
Halfverse: a    sáṃ vo mádāso agmaténdreṇa ca marútvatā /
   sáṃ vo mádāso agmata_
   sám vaḥ mádāsaḥ agmata
   sáṃ vo mádāso agmata

Halfverse: b    _índreṇa ca marútvatā /
   índreṇa ca marútvatā /
   índreṇa ca marútvatā /

Halfverse: c    ādityébʰiś ca rā́jabʰiḥ //
   ādityébʰiś ca rā́jabʰiḥ //
   ādityébʰiḥ ca rā́jabʰiḥ //
   ādityébʰiś ca rā́jabʰiḥ //


Verse: 6 
Halfverse: a    utá tyáṃ camasáṃ návaṃ tváṣṭur devásya níṣkr̥tam /
   utá tyáṃ camasáṃ návaṃ
   utá tyám camasám návam
   utá tyáṃ camasáṃ návaṃ

Halfverse: b    tváṣṭur devásya níṣkr̥tam /
   tváṣṭuḥ devásya níṣkr̥tam /
   tváṣṭur devásya níṣkr̥tam /

Halfverse: c    ákarta catúraḥ púnaḥ //
   ákarta catúraḥ púnaḥ //
   ákarta catúraḥ púnar //
   ákarta catúraḥ púnaḥ //


Verse: 7 
Halfverse: a    té no rátnāni dʰattana trír ā́ sā́ptāni sunvaté /
   té no rátnāni dʰattana
   té naḥ rátnāni dʰattana
   té no rátnāni dʰattana

Halfverse: b    trír ā́ sā́ptāni sunvaté /
   tríḥ ā́ sā́ptāni sunvaté /
   trír ā́ sā́ptāni sunvaté /

Halfverse: c    ékam-ekaṃ suśastíbʰiḥ //
   ékam-ekaṃ suśastíbʰiḥ //
   ékam-ekam suśastíbʰiḥ //
   ékam-ekaṃ suśastíbʰiḥ //


Verse: 8 
Halfverse: a    ádʰārayanta váhnayó 'bʰajanta sukr̥tyáyā /
   ádʰārayanta váhnayó
   ádʰārayanta váhnayaḥ
   ádʰārayanta váhnayo

Halfverse: b    'bʰajanta sukr̥tyáyā /
   ábʰajanta sukr̥tyáyā /
   ábʰajanta sukr̥tyáyā /

Halfverse: c    bʰāgáṃ devéṣu yajñíyam //
   bʰāgáṃ devéṣu yajñíyam //
   bʰāgám devéṣu yajñíyam //
   bʰāgáṃ devéṣu yajñíyam //


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.