TITUS
Rg-Veda: Rg-Veda-Samhita
Part No. 21
Previous part

Hymn: 21 
Verse: 1 
Halfverse: a    ihéndrāgnī́ úpa hvaye táyor ít stómam uśmasi /
   ihéndrāgnī́ úpa hvaye
   ihá indrāgnī́ úpa hvaye
   ihéndrāgnī́ úpa hvaye

Halfverse: b    táyor ít stómam uśmasi /
   táyoḥ ít stómam uśmasi /
   táyor ít stómam uśmasi /

Halfverse: c    tā́ sómaṃ somapā́tamā //
   tā́ sómaṃ somapā́tamā //
   tā́ sómam somapā́tamā //
   tā́ sómaṃ somapā́tamā //


Verse: 2 
Halfverse: a    tā́ yajñéṣu prá śaṃsatendrāgnī́ śumbʰatā naraḥ /
   tā́ yajñéṣu prá śaṃsata_
   tā́ yajñéṣu prá śaṃsata
   tā́ yajñéṣu prá śaṃsata

Halfverse: b    _indrāgnī́ śumbʰatā naraḥ /
   indrāgnī́ śumbʰata+ naraḥ /
   indrāgnī́ śumbʰatā naraḥ /

Halfverse: c    tā́ gāyatréṣu gāyata //
   tā́ gāyatréṣu gāyata //
   tā́ gāyatréṣu gāyata //
   tā́ gāyatréṣu gāyata //


Verse: 3 
Halfverse: a    tā́ mitrásya práśastaya indrāgnī́ tā́ havāmahe /
   tā́ mitrásya práśastaya
   tā́ mitrásya práśastaye
   tā́ mitrásya práśastaya

Halfverse: b    indrāgnī́ tā́ havāmahe /
   indrāgnī́ tā́ havāmahe /
   indrāgnī́ tā́ havāmahe /

Halfverse: c    somapā́ sómapītaye //
   somapā́ sómapītaye //
   somapā́ sómapītaye //
   somapā́ sómapītaye //


Verse: 4 
Halfverse: a    ugrā́ sántā havāmaha úpedáṃ sávanaṃ sutám /
   ugrā́ sántā havāmaha
   ugrā́ sántā havāmahe
   ugrā́ sántā havāmaha

Halfverse: b    úpedáṃ sávanaṃ sutám /
   úpa idám sávanam sutám /
   úpedáṃ sávanaṃ sutám /

Halfverse: c    indrāgnī́ éhá gacʰatām //
   indrāgnī́ éhá gacʰatām //
   indrāgnī́ ā́ ihá gacʰatām //
   indrāgnī́ éhá gacʰatām //


Verse: 5 
Halfverse: a    tā́ mahā́ntā sádaspátī índrāgnī rákṣa ubjatam /
   tā́ mahā́ntā sádaspátī
   tā́ mahā́ntā sádaspátī
   tā́ mahā́ntā sádaspátī

Halfverse: b    índrāgnī rákṣa ubjatam /
   índrāgnī rákṣaḥ ubjatam /
   índrāgnī rákṣa ubjatam /

Halfverse: c    áprajāḥ santv atríṇaḥ //
   áprajāḥ santv atríṇaḥ //
   áprajāḥ santu atríṇaḥ //
   áprajāḥ santu atríṇaḥ //


Verse: 6 
Halfverse: a    téna satyéna jāgr̥tam ádʰi pracetúne padé /
   téna satyéna jāgr̥tam
   téna satyéna jāgr̥tam
   téna satyéna jāgr̥tam

Halfverse: b    ádʰi pracetúne padé /
   ádʰi pracetúne padé /
   ádʰi pracetúne padé /

Halfverse: c    índrāgnī śárma yacʰatam //
   índrāgnī śárma yacʰatam //
   índrāgnī śárma yacʰatam //
   índrāgnī śárma yacʰatam //


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.